tlhIngan-Hol Archive: Sat May 08 11:23:48 1999
[Date Prev][Date Next][Thread Prev][Thread Next]
ghIjwI'mey (was Re: muD Duj)
ja' K'ryntes:
>SIStaHvIS chal vIbej 'e' vIparHa'. SIStaHvIS jI'Ijchugh, nom jIQongchoH.
QongmeH pa'wIjDaq jan le' tu'lu'. chu'lu'DI' wabmey lIng.
leQ wa' Hotlu'chugh, SISlaw' 'e' wIQoy jIH be'nalwI' je.
leQ cha' Hotlu'chugh, bIQtIqHomHey wIQoy.
leQ wej Hotlu'chugh, bIQ'a'Hey wIQoy.
latlh leQmey
bIQ'a' maSbej be'nalwI'. yabDaj lengmoHlaw'.
>chal
>'ul vIleghchugh, ravDaq jIQong. vaj, QorwaghwIj 'elchugh chal 'ul,
>muSamlaHbe'!
'ul Dayajbe'law'. Sum rav yav je, qar'a'? yav parHa'qu'bej 'ul.
pa' 'elDI' 'ul, SIbI' yav nej. ravDaq bIQongtaHchugh, ghaytan
Dumermogh DujuSbogh 'ul.
bIQaDchu' DaneHchugh, bIQ QongDaq yISuq. DatebmeH tat Hutlhbogh bIQ yIlo'.
'ul luqengbe' bIQ watlhqu', mep ngaSwI' joq.
>*clowns* vIpar 'ach mughIjbe'. mach ghewmey 'ej qoghwIjDaq toSlaH 'ej
>nachwIjDaq So'laH. chay' vIlellaH?
toH. DughIjmeH ghewmey, meq Daghaj. meqHom 'oH, 'ach meqna' 'oH.
'ej mujlaw' meqlIj. So''eghmeH ghew, jIblIj qaq law' qoghlIj qaq puS.
>Okay, two things...
>
>1.) That wasn't supposed to sound as crazy as it does.
bImaw'law'be'. rejmorgh SoH neH. :-)
>2.) Did I use *lel* right?
jISovchu'be'. chaq lugh. qechvamvaD, <vI'elHa'moH> vIlo' jIH.
>> Sengna' DaSIQ 'e' vIlaj vaj SoHvaD "dust mites" vIDelbe'.
>
>qatlho'. :oP
qay'be'. 'ach jInIDchugh, mu'tay' Daj poQbej.
-- ghunchu'wI'