tlhIngan-Hol Archive: Wed Mar 31 13:12:13 1999

Back to archive top level

To this year's listing



[Date Prev][Date Next][Thread Prev][Thread Next]

naj nagh



naj nagh.

HuD'a' moj neH naghvam. 

ghoS ghewHom. jatlh <<HuD'a' SoH.>>

jang nagh. jatlh <<bIqarHa'chu'! pa' HuD'a' yItu'!>>

poSDaq HuD'a' nej ghewHom. puH beQ chal je legh. nIHDaq HuD'a' 
nej. puH beQ chal je legh. naghDaq ghewHom 'o' Qeq ghewHom. puH 
beQ chal je legh. jatlh <<nuqDaq HuD'a'? vIleghlaHbe'.>>

<<'emwIjDaq HuD'a' tu'lu'! yISam!>> jatlh nagh. boHba'.

jang ghewHom. jatlh <<vIlegh 'e' Dabot.>>

jatlh nagh <<yIqay'Qo'! HItoS!>>

nagh qel ghewHom. jatlh <<'ach bIjen. jIDoy'. Daq Hopqu'vo' 
jIjaHta'...>>

SIbI' jatlh nagh <<bIbep 'e' yImev! HItoS!>>

tuvchoH ghewHom. wa'logh QIt tlhuHchu'. toSchoH. Doy'qu'mo' puj 
'uSHomDu'Daj, 'ach HoS tIqDaj. taH. SIQ. toSlI'. toSlI'. toSlI'. 
nagh Daq jenqu'Daq ghoSlI'. nagh DIr gho'Ha' ghewHom 'ej 
pumchu'. Hegh.

Heghpu'bogh ghewHom bej nagh. jatlh <<chaq Huv'a' jIH!>> mon.

paQDI'norgh:

not nagh qeS yIqel. tIq ghajbe'.

charghwI' 'utlh



Back to archive top level