tlhIngan-Hol Archive: Sat Mar 27 10:27:46 1999
[Date Prev][Date Next][Thread Prev][Thread Next]
Re: qama'
ja' peHruS:
>[email protected] writes:
> <<...bInuQ; ghIlab ghew Darur! Hol lo'
> DaghoHDI', qagh DaHoH! >>
>==============================
>HolQeD Dayajbe'taHvIS HItIchqa'Qo'!
jatlhlu'chu'meH HolQeD yajnISlu'be'.
jatlhlu'chu'meH Hol'e' yajnISlu'.
HolQeD Sovna' Daghojta' 'e' Damaq, 'ach rut Qatlhqu' jabbI'IDlIj
HolQeD mu'mey lo'Ha' latlhpu' 'e' Damaq, 'ach motlh ngeD jabbI'IDchaj.
muj 'Iv? chaq Sovlaw'wI' muj law' ta'laHwI' muj puS.
mamuj 'e' Damaqmo' bImujba'taHvIS SoH, DatIchlu' 'e' Daqotlh.
>tlhIngan Hol Dayaj 'e' DaHar; 'ach,
>tlhIngan Hol qelbogh HolQeD mu'mey Dalo'laHchu'be'mo' pIj bImuj. SoHvaD
>mu'meyvam qechna' vIQIjDI' DunuQ wanI'vam.
'ach ramchu' qech DaQIjbogh jay'!
tlhIngan Hol Sovbe' Trask. tlhIngan Hol Sovba' Okrand.
jatlhDI' Okrand, tlhIngan HolvaD potlh mu'meyDaj.
jatlhDI' Trask, jISaHbe'. DumISmoHba'pu' Trask vaj ghaH vIbuSHa'.
>tlhIngan Hol Dayajchu' DaneHchugh,
>Holmey mIwmey DayajnIS.
wejpuH. jaS jIHar. ghobe', jaS jISovchu' jay'.
tlhIngan Hol Dayajchu' DaneHchugh, tlhIngan Hol yIlo'qu'.
Hol pIm DaqelDI', chaq Holvetlh mIw DayajchoH,
'ach tlhIngan Hol Dajatlh DaneHchugh, Qu'vaD lI'be' Hol pIm.
bIjatlhlaHchu'meH, wa' Hol neH yIbuS.
>qagh vIHoHbe', 'ach qaghDaq 'uSu' QaQ vIlIch.
He'So' 'uSu'qoqlIj. qagh DatlhorghHa'moH. qagh DaQopmoHchu'.
qagh DaHoHbej.
>Hol vIqaDbe'bej. rut HolQeD mu'mey'e' lo'ta'bogh MO yajbe'mo' vay', vaj
>Holmaj lo'Ha' vay'. vay'vetlh vIqaD 'ach Holmaj vIqaDbe'.
Okrand mu'mey yajbe' 'Iv? yIja''egh. TKD DaqaDbejpu', peHruS.
qatlh pIj mu'mey DaghItlhbogh Datem?
"beings capable of using language" wIqeltaHvIS, muj TKD 'e' Damaq.
"aspect" "perfective" "complete" je DIqeltaHvIS, muj TKD 'e' Damaq.
"subject" "object" je DIqeltaHvIS, muj TKD 'e' Damaq.
tlhIngan Hol Dalo'taH 'e' vIchIDnIS. qaHoy'.
bIqaDtaHmeH neH Dalo'taH, 'ach Dalo'bejtaH.
-- ghunchu'wI'