Re: pawlI' ghom naQ

[Alan Anderson <aranders@netusa1.net>]

ja' Qov:
>nuqDaq ghaH trI'Qal'e'?

bID ben loQ maja'chuq trI'Qal jIH je.  ngajqu' wanI', 'ach De' Daj
vISuq:  nay 'e' nab.  veng pIm DabchoH ghaH.  'ej ghaytan tlhIngan 
Hol lonchu'.  choHba'lI' yInDaj.

jIghel jIH:  nuqDaq ghaHtaH Seqram'e'?  ghuy'Do leghpu''a' vay?  
qatlh numuvbe' nIchyon?  r'Hul Qob DaQtIq DaraQ je tammoHtaH nuq? 
law'law' cheghpu'wI', 'ach law'bej DachwI'mey.

>Do'Ha' tlhIngan Hol vIjatlhqu'be'choHpu', 'ach cheghmo' juppu'wI'
>jIbel.  

wovqu'be'choH'a' wovwI'ma'?  chaq yablIj DanchoH puvwI' Qu', 'ach 
naDev juppu' DaSambejmo' Holmaj DalIjbe'.  cheghpu'mo' Qanqor 
charghwI' je, Do'bej ghom.  bISaHtaHmo' SoH jIbel jIH.

>chaq Las VegasDaq Duj vIngIp 'ej veng DungDaq mapuv. :)

povchu' qechvam Dachupbogh!  qaS 'e' vIDIlqangbej.  baHwI' gheS 'Iv?
'ach chomer.  raQpo' DalupmeH DIb Dabajbejta''a'?

-- ghunchu'wI'