tlhIngan-Hol Archive: Wed Jun 23 13:09:03 1999
[Date Prev][Date Next][Thread Prev][Thread Next]
Re: pawlI' ghom naQ
- From: Robyn Stewart <[email protected]>
- Subject: Re: pawlI' ghom naQ
- Date: Wed, 23 Jun 1999 13:09:57 -0700 (PDT)
>>chaq Las VegasDaq Duj vIngIp 'ej veng DungDaq mapuv. :)
>
>povchu' qechvam Dachupbogh! qaS 'e' vIDIlqangbej. baHwI' gheS 'Iv?
>'ach chomer. raQpo' DalupmeH DIb Dabajbejta''a'?
HIja'. DaH malja' chaw' vIbajlI'. bejtaHvIS ghojmoHwI'wI', Qorwagh
botbogh mIv'e' vItuQ 'ej Duj SeHlaw neH vIbejlaH. ghurmeH Do, SalmeH
Do, tlhe'meH Do je vISeHnISchu'. Hur vIleghlaHbe'mo' rut jImISchoH.
DujwIj vIvoqlaHbe'. Duj'e' vIvoqnIS, 'ach DujwIj'e' vIvoqbe'nIS.
SumIS'a'? :) rut taHlaw' porghwIj 'ach taHbe' Duj.
puvHa'choHDI' Duj SIbI' vIlughnISmoH. ghu' vIpojHa'be'nIS. rut Qu'
vIta'Ha' 'ej jatlh ghojmoHwI' <WHAM! ghor Damup. bIHegh.>
vIta'chu'DI' Hem ghojmoHwI'.
wa'logh Hopbogh veng tInDaq maleng jIH loDnalwI' je. mapawDI' paw je
cha' latlh Dujmey. Dujmeyvetlh tIn law' Dujmaj tIn puS. raQpo' law'
HIj. veng botlhDaq majaHmeH lupwI' wItIj. Duj tInvo' maghoS 'e'
Harba' lupwI' be'. <luch boghajbe''a'?> jatlh.
<ghobe'. 'uQ wISopmeH maSuchneH> majatlh.
lupwI'Daq tlhup loDnalwI'. jatlh <mamIp 'ej mamaw' 'e' luHar>
jIjang. jIjatlh <lugh chaH. yItIv>.
qech vIQul 'ej DuHchugh, qep'a'Daq chal wIchargh. :)
(toH! tlhIngan Hol vIqawlaw'. bIlugh, ghunchu'wI')
===
Qov - pab 'utlh
_________________________________________________________
Do You Yahoo!?
Get your free @yahoo.com address at http://mail.yahoo.com