tlhIngan-Hol Archive: Tue Jul 06 09:52:05 1999

Back to archive top level

To this year's listing



[Date Prev][Date Next][Thread Prev][Thread Next]

Re: "Las Vegas" lengwIj wa'DIch



On Tue, 6 Jul 1999 11:04:16 -0400 Alan Anderson 
<[email protected]> wrote:

> wa'maHHu' Las Vegas ghoS qorDu'wIj.  tlhetlhmeH leng, "Atlanta"-Daq
> mayevnIS.  "Delta" lIghlu'DI', reH "Atlanta" SuchnISlu'law'.  pa' 
> maloStaHvIS, jup vIqIH.  De'wI'mo' jupvam vISov.  pIj "TinyTIM"-Daq
> mareH.  ja'chuqmeH "MUSH" 'oH "TinyTIM"-'e'.  Quv DaSov DaneHchugh, 
> HIrI'.

qaStaHvIS poH nI', pa' vISuchbe'. poH yap vIHutlh. pIj vISuch 
vIneH, 'ach naQ yInwIj.
 
> "Las Vegas"-Daq chol qorDu' law'.  ghomqa' tuq.  javmaH nuv maH, vaj 
> roD wa' pa'Daq matay'be'.  wa'logh neH ghomchu' Hoch:  Wednesday 'uQ 
> wISopmeH, Qe' ghommeH pa' wIDan.

maj.
 
> motlh reH qorDu'wIj mach.  rut nutlhej latlh qorDu' mach.  cha' puqpu'
> ghaj be'nI'wI'.  puqloDwI' luparHa' puqpu'vam vaj pIj nutlhej luneH.

reH reH neH luneH.
 
> much'a'mey DIbejpu'be'.  bIQ Duj may'qoq wIlegh.  

may'qoq vIleghpu'.

> vaHbo' ngeb 
> tlhuDbogh HuDHom ngeb wIlegh. 

HuDqoqvam vIleghpu'.

> "Tiger" chIS wInej 'ach wISambe'. 

vISambe' je.

> "Circus" muchHommey DIlegh -- Doj 'ach le'qu'be'. 

qaStaHvIS wa' Hogh mebpa'meyvetlh vIDabHey.

> bebHey ghaj wa' He 
> 'ej He DungDaq choS much Daj wIbej.  cha'choH wewwI' nguv.

'e' vIleghbe'.
 
> "Star Trek: The Experience" vItIvqu'. 

vItIvchu' je. pup!

> bey' law' vIlegh.  Dajqu' 'e' 
> vIQub jIH.  Sut luch je vItIvbej. 

poH tlhegh DaDelbe'. Doj. loQ qunmaj Del, 'ach Humanpu' buS. 
wejpuH.

> wa' mu'tlhegh jatlhDI' "Commander 
> Riker" jImon, 'ej ghaytan luQoy'DI' Suchbogh tlhInganpu' Haghchu'. 
> toH, chaq Haghbe' -- chaq jach. :-)

ghaytan jIHagh 'ach DaH *Riker* mu'tlhegh vIqawlaHbe'.
 
> loQ jISuD.  janvaD DeQ vInob.  leQ vIchu'.  DIng cha'bogh ghomey.
> mevDI', chaq jIQap.  roD jIluj.  jIreHtaHvIS cha' DeQ vInob.  rut 
> DeQHom puS vIHev 'ej vInobHa'.  jImevDI' chuv wa' DeQ.  qay'be' -- 
> wa' DeQ neH vIlon, 'ej qaStaHvIS wa' rep wanI' vItIvqu'.

SoHvaD Dallaw' wanI' puSqu'. jIHvaD Dalchu' Huch Quj.
 
> tuj "Las Vegas" muD.  wovqu'.  not chalDaq 'engmey vIlegh.  pa' bIQ
> poQbej yItwI'.

Damerlu''a'? Deb 'oH *Las Vegas*'e'.

*Las Vegas* desert je pImmoH wa' Doch neH: Huch. Deb motlh vImaS.
 
> latlh De' vInob net tlhobDI', jIjangbej.

bISeyba'. tugh pa' maghom. yap.
 
> -- ghunchu'wI'

charghwI' 'utlh



Back to archive top level