"Pathfinder"

[SuSvaj <zayericd@pilot.msu.edu>]

qen "Voyager" lut "Pathfinder" vIbejtaHvIS, vay' vItlhoj.  

qaStaHvIS lutvam, "voyager"vaD QIn lI' 'e' nIDtaH 'ejyo' jonwI'pu' puS.
"Qu' He SamwI'" 'oH jInmolvam'e'.  qaStaHvIS lut, "Paris" 'aj Serchaj
chuHtaH jInmolvam DevwI.  "wen *Alpha* joghDaq *Voyager* Qel lI'lu'mo',
ghaytan *Voyager* Quv wISamlaH." 'e' ja' DevwI'.  "naDev Qel tu'lu'DI',
*Voyager* Quv nunob.  *Alpha* jogh ghoStaHchugh, 'ej pIvlob jav 'oH
Dochaj'e', vaj ghaytan QuvDaj wInoHlaH" 'e' meq jInmol DevwI'.  'ach meqHa'
'e' vIHar.  *Voyager*Daq cheghDI' Qel, ghoStaH *Voyager*, 'ach reH pIvlob
jav 'oHbe' DoDaj.  qIghmey potlhqu' lo'ta'.  wa'logh "Borg"vo' pIvghor'a'
cham nIH *Voyager* wey.  chamvam lo'DI' chaH, qaStaHvIS jajmey puS
wa'maHvaghSaD loghqam leng.  motlh cha'maH DIS 'oH lengvetlh poH'e'.  latlh
qIghmey tu'pu' *Voyager* wey je.

ngoDmeyvam SovlaHbe'mo' 'ejyo' ra'ghom quv *Voyager* Quvna' noHHa'bej Qu'
He SamwI' jonwI'pu'.

SuSVaj