jIleng

[Marc Ruehlaender <ruehli@iastate.edu>]

Hogh vebHa' tIngDaq maleng cha' jupwI' jIH je.
Dajbogh Daq law' DIlegh.
wanI' ral muqawmoH Daqvam.

*Oklahoma City*Daq 'oH Daq wa'DIch'e'.
loS ben DIvI' qach Qaw' qoH.
*Timothy McVeigh* 'oH pong qoHvam'e'.
wanI' qawmoHmeH poH bIQtIq chenmoHlu'lI'.

*San Antonio*Daq 'oH' Daq cha'DIch'e'.
ghobchuq *Texas*ngan *Mexico*ngan je.
*Alamo* may' Delchugh, Qap *Mexico*ngan.
'ach noH Delchugh, Qapchu' *Texas*ngan.
*Alamo*Daq Heghta' SuvwI' law'.
*Germany*ngan chaH cha' SuvwI'.
*Germany*ngan jIH je. vaj De'vam vIqaw.

*Dallas*Daq 'oH Daq wejDIch'e'.
pa' wejmaH jav ben DIvI' DevwI' HoHlu'.
ghaHvaD *John F. Kennedy* *JFK* joq ponglu'.
jagh law' ghajba'.
peghtaH 'op *JFK* Hegh De'mey.
paq DIje'ta'. 'op peghmey QIj 'e' lunID.
QIjwI'maj DIchenmoH jupwI' jIH je.
maHaghqu' 'ej pe'vIl maHagh.
Dogh HochHom QIjwI'meyqoqmaj.

wej Daq Such wej nuv. tlhIngan ghIQwI' 'oHlaw'.

                                            Marc Ruehlaender
                                            aka HomDoq
                                            ruehli@iastate.edu