Re: jIleng

["William H. Martin" <whm2m@virginia.edu>]

On Wed, 01 Dec 1999 15:11:33 CST Marc Ruehlaender 
<ruehli@iastate.edu> wrote:

> Hogh vebHa' tIngDaq maleng cha' jupwI' jIH je.
> Dajbogh Daq law' DIlegh.
> wanI' ral muqawmoH Daqvam.
> 
> *Oklahoma City*Daq 'oH Daq wa'DIch'e'.
> loS ben DIvI' qach Qaw' qoH.
> *Timothy McVeigh* 'oH pong qoHvam'e'.

wanI'vetlh SIQwI'pu' QaH jupwI'. wa' be' lut mujatlh.

qaSpa' wanI'vetlh cha'logh tlhoS be'vam HoH qul. meQ cha' 
qach'e' Dabbogh be'vam.

DIvI' qachDaq be'vam yaH tu'lu'. De' boSmeH latlh yaS ghoS 
be'vam. nav ngaSwI'vo' nav lelnIS. nav ngaSwI' tlhopDaq 
QamtaHvIS be'vam 'o'DajDaq qach Qaw'lu'. bong be'vam Qan 
qach QutlhwI' 'ugh. jorpa' qach, qoDDaq ghaHtaH. Qorwagh 
leghlaHbe'. jorpu'DI' qach, tlhe' be' 'ej yav leghlaH... 'ach 
tlhoy' SaS SochDIch HeHDaq Qam be'vam.

merchu'. mISchu'. qul legh. latlh qul qaw 'ej lIm. tlhoS Sup. 
Supqang 'ej Suprup 'ach tlhoy' SaS vaghDIchDaq Qam loD. be' 
legh. Suprup 'e' ghov 'ej jach. jatlh <<yISupQo'! yItam! ravDaq 
yIQot! toDwI'pu' tIloS!>>

> wanI' qawmoHmeH poH bIQtIq chenmoHlu'lI'.

jIyajbe'.
 
> *San Antonio*Daq 'oH' Daq cha'DIch'e'.
> ghobchuq *Texas*ngan *Mexico*ngan je.
> *Alamo* may' Delchugh, Qap *Mexico*ngan.
> 'ach noH Delchugh, Qapchu' *Texas*ngan.
> *Alamo*Daq Heghta' SuvwI' law'.
> *Germany*ngan chaH cha' SuvwI'.
> *Germany*ngan jIH je. vaj De'vam vIqaw.

Do' latlhpu' chaH *Germany*nganvetlhpu''e'. bIyIntaH.
 
> *Dallas*Daq 'oH Daq wejDIch'e'.
> pa' wejmaH jav ben DIvI' DevwI' HoHlu'.
> ghaHvaD *John F. Kennedy* *JFK* joq ponglu'.
> jagh law' ghajba'.
> peghtaH 'op *JFK* Hegh De'mey.
> paq DIje'ta'. 'op peghmey QIj 'e' lunID.
> QIjwI'maj DIchenmoH jupwI' jIH je.
> maHaghqu' 'ej pe'vIl maHagh.
> Dogh HochHom QIjwI'meyqoqmaj.

Dajlaw'.
 
> wej Daq Such wej nuv. tlhIngan ghIQwI' 'oHlaw'.
> 
>                                             Marc Ruehlaender
>                                             aka HomDoq
>                                             ruehli@iastate.edu

charghwI'