tlhIngan-Hol Archive: Tue Aug 31 19:39:30 1999
[Date Prev][Date Next][Thread Prev][Thread Next]
Re: QongmeH lutmaj
ja' SuStel:
>mebpa'mey DISammeH Canada wI'elnIS!! maQongmeH veH'a' wIjuSnIS!!
>ghuy'cha'! 'a tlhaQqu' ghu'maj. veHDaq numev 'avwI'; nughel, jatlh
>qatlh Canada bo'el boneH? majang, majatlh maQong neH wIneH! ma'el
>Do' 'e' chaw' 'avwI'.
toH, Suchegh net chaw''a'?
July Canada wISuch qorDu'wIj juppu'ma' je. ramjep New York wIcheghlI'.
juppu' juH wIghoSmeH Canada HeH wIpawDI', numevmoH HeH 'avwI'.
Israel-Daq boghpu' wa' jup, 'ej QIchDaj le'mo' nuyu'choHchu' 'avwI'.
ghItlhmey HutlhtaHmo' jup, US rewbe' ghaH 'e' toblaHbe'.
vaj Duj jIverghnIS 'ej qach wI'elnIS. De'wI' qawHaq yu' yaSpu'.
'ach jup pong Sambe' jay'! qaStaHvIS wa' rep De' nej. mamoghqu'.
jup loDnal wIrI' 'ej 'avwI'vaD jup rewbe' muvtay mI' per ghaH.
tugh yonchu' 'avwI'pu', 'ej mI' SovDI' Seng lungu': qawHaqDaq
jup pong ghItlhHa'lu' neH. lugh "Dalia" 'ach "Dalja" cha' De'.
DaH reH rewbe' muvtay mI' qengtaH ghaH.
>...Old Montreal wISuch je, 'ej pa' maSop. reH nIQ jabbogh Qe' wISam.
>("Eggcetera" ponglu'? pong tlhaQ vIqawchu'be'.) nujabtaH Serge.
>wIparHa', vaj "tip" tIn wInob. Qe'vam boSuchchugh, Serge yInej.
Montreal-Daq jIghIQchugh, 'ej Qe'vetlh vIqawchugh, 'ej Serge
pong vIqawchugh, 'ej jIghungchugh, 'ej nIQ vISop vIneHchugh...
vaj vInejbejqu'. :-)
-- ghunchu'wI' 'utlh