Re: muD Duj

[Robyn Stewart <fierceqov@yahoo.com>]

lab peHruS

> << tuSovchugh, reH jIchegh 'e' boSov. >>
> bIcheghmo' jIQuch. ghItlhmey Daqonbogh vIlaDDI' reH jIghoj. 

chovnatlhwIj Davuvmo' jIHem, 'ach yIHoj.  Sov le' vIghajbe'.  Hol
vISovbogh vIghojmeH paqmey vIlaDta' neH.  vIyajchu' 'e' vIHar 'ach
naQbe' Sovmaj, 'ej vay' vIlIjlaH.

> jIqeq je jIH 
> vIneHbej. vaj jabbI'ID ghomvam vIpajchu'pu'be'. DaH jabbI'IDmey puS 
> vIlab, 
> loQ jIDaq, 'ach vIpajbe'. jIghoH vIneHbe'bej. jIghojchu' vIneHbej.

jaS Qaplaw' yablIj.  tlhIngan Hol Qujqoq patmey'e' lajchu'bogh latlhpu'
Datem qoj DaHarQo' qoj Dalajbe'.  qatIch vIneHbe'.  qapoj 'e' vInID
neH.
nughmaj 'ay' SoH. pabwIj DaHonDI' yIjatlh.

> muD DujlIj Delbogh lutvam vItIv.

ghojwI' chu' jIHmo' lutmey law' vIghajbe'.  Qu'mey nap neH vIta'.
Dajjaj mumoghmoHbogh qeqmeH Qu' vIDel.

Sabchugh muD Dotlh qoj jIropchoHchugh qoj QapHa'choH Duj, chaq HatlhDaq
vISaqnIS.  SaqmeH pat vIqeq.  

wa') SuS lurgh vIngu'.  'etwIjDaq SuS tu'nISlu'. 
cha') yotlh vIwIv.  beQnIS.  letnIS.  tIqnIS.  Huvbe'nIS.
wej) 'Iv: 1000'.  DaqwIj vIchol.  yotlh DungDaq jIpuv.  vInID.
loS) yotlh retlhDaq vItlha', SuS lurgh 'oH lurghwIj'e'.  machmeH DowIj,
loQ tel tInmoHwI'mey vIchu'.  SaqbeH Duj 'e' vI'ol.  
vagh) cha'logh poSDaq jItlhe'.  latlh yotlh DopDaq jIpuv.  'etwIjDaq
SuS tu'lu'.  ghor vInID.  botbogh Dochmey vInej.
jav) chalogh jItlhe'qa'.  'o'wIjDaj SuS.  QumwI' vIlo'.  DajwIj,
DotlhwIj je vIlI'.  raQpo'pu' vItogh.  (ngeD - cha' quS ghaj DujwIj!)
raQpo'wIjvaD ghu' vIDel.  jIra'.  jIjatlh <yotlhvetlhDaq maSaqnIS.
'o'Daq quSlIj yIvIHmoH.  qoghmeylIj yIQey'moH.  QablIj DaQanrupmeH
weplIj yISuq.  qul HIvwI' Daq, SoH 'emDaq, yIqaw.  yav wIHotpa' lojmIt
yIpoSmoH.  vIHbe'DI' Duj, yImej, 'et yIghoSbe'>.
Soch) jItlhe' 'ej jIghIrchoH.  jItlhe'qa'.
chorgh) 'Iv 500': jIghIr 'e' vImev. yotlh vInIDqu'.  vIjuStaHvIS jIpoH.
Hut) jISar. yotlhvam vIlo'laH'a'?  jIwuqnIS.
wa'maH) jISaq pagh latlh Daq vInej.

I'm having a heck of a time with y-words today.  I *think* yol is
conflict, yot is calm and yotlh is field.  

SKI: Qov describes the steps in a "precautionary landing."

===
Qov - pab 'utlh





_________________________________________________________
Do You Yahoo!?
Get your free @yahoo.com address at http://mail.yahoo.com