tlhIngan-Hol Archive: Sun Nov 29 19:16:37 1998
[Date Prev][Date Next][Thread Prev][Thread Next]
Re: HoS Hal (was Re: Las VegasDaq ghom tlhInganpu')
- From: Alan Anderson <[email protected]>
- Subject: Re: HoS Hal (was Re: Las VegasDaq ghom tlhInganpu')
- Date: Sun, 29 Nov 1998 20:24:47 -0500
- In-Reply-To: <[email protected]>
ja' charghwI':
>> HoSchugh woj, ngaj woj. nI'chugh woj, puj.
>> wa'vatlh DIS neH yIloS. DaH pujchoHpu' woj HoS.
>
>bIQ pubmoHmeH nInvam, qaStaHvIS DIS puSqu' lI' nInvam. tar
>Dachu'meH nInvam, qaStaHvIS vatlhDIS law' Qapchu' nInvam. chay'
>ngoDvam DabuSHa'? bIQIp'a'?
ngoDHey neH 'oH. lI'bejtaH tarqoqvam.
rInDI' lo' wa'DIch, lojbe' nIn lo'laHghach.
nIn tlhol 'oH taQbang'e' 'e' Daqelchugh, 'oH qaq law' lam qaq puS.
SeS tujmoHqa'laH. HoS lIngqa'laH.
>Dajqu' ngoDmeyqoqlIj. 'otlh HoS DaqelDI' bIDogh 'e' vISovchu'
>vaj qatlh woj HoS DaqelDI' qavoqnIS?
jIH HIvoqQo'. yI'ol neH. woj Qob tlhuDbe'taH "TMI".
>...bIjatlhchugh neH bIDojbe'.
>vuDmey QIp ghaj Hoch qoH. vang SuvwI'na'.
choQIDchu'. SoHvaD ram'a' qechmeywIj? bIH DaHarbe'chugh, De'na' yISam.
De' potlh law' vuD potlh puS.
>ghu' Qob vIlajqang vIwIvchugh. wa'netlh nuvmeyvaD ghu' Qob
>qaSmoHchugh nIrurbogh qoHpu' vaj ghu'vam vIlajQo'.
Qobbe'qu'taH "TMI" jIlpu' ghu'. woj jIHlu'; ramchu' narghbogh ram.
"coal" tlhIch woj Qob law' woj choHwI' Qob puS.
>*quartzite* *sandstone* je vItoS. *granite* vItoSbe'. Qobbe'.
>{{:)>
"granite" qach Dab nuv law'. chaHvaD rejmorgh SoHbe''a'?
>> woj'e' SIQbogh "coal" tlhIlwI' law' law'
>> woj'e' SIQbogh "Three Mile Island" vumwI'.
>
>*coal* tlhIlwI' Damoj DaneH'a'?
ghobe' -- taghvaD Qobbej Qu'vetlh. SuD tlhIlwI'.
jIwIvlaHchugh, Sum woj choHwI' 'e' vImaS.
>> ...*Decommission* Dayaj'a' SoH?
>> HIja', mIwvetlh vIyajchu'. qay'be' cham. qay' woQ.
>
>qay' Huch. woj choHwI' lo'lu'lI'chugh vaj Huch bajlI' jan. 'ach
>lo'lu'taHchugh lujbej. qaSbej lot. lo'lI' ghorgh 'e' wImevnIS?
>Sovbej pagh. ghorgh mev Huch? jan lo'lI' 'e' mevDI' lIngwI',
>mevbej Huch. Huch neHbej lIngwI' vaj lo'lI' 'e' mev lIngwI'
>ghorgh 'e' DapIH?
ghuy'cha'! woj choHwI'meyvaD neH potlh qechvam 'e' DaHar'a'?
QopchoH Hoch HoS lIngwI' mIqta'mey. wIvnIS malja'.
Qatlhbej ghu', 'ach Huch yIpIchQo'!
chen woj choHwI' chu' net chaw'chugh, ngeDchoH ghu'.
qaja'qa': "France" yIqel.
>'otlh HoS yIlo' SoH, nuch. bIjatlh 'e' yImev!
ma'ovmeH majachchoH'a' neH? jIjachQo'mo' jImevbej.
>> va, woj DaHajba' SoH. "Chernobyl"-Daq qaSta' Qughna', qar'a'?
>
><<-ta'>>? wanI'vam nablu' 'e' DaHar'a'?
HIja'. :-( tlhoS lunab vumwI'pu'.
chach patmey Qotlhpu'. ratlhbogh patmey ghong.
ngongmeH pay' HoS Dotlh lunup 'e' lunID.
Qugh.
>> DaHjaj pa' yInbejtaH nuv. SuD, 'ach yInbej. chImbe' yoSvetlh.
>
>ropbej yoSvetlh.
wejpuH.
<qaSchugh, Hegh Hoch!> bIjatlhta'.
qajangmeH, jIjatlhta' <qaS. Heghbe'ba' Hoch>.
vaj rop yoS 'e' DamaqchoH.
pImchoHpu' Doch Damaqbogh. teHbe' wa' ngoDqoqlIj 'e' vItobchu'.
DaH qatlh latlh vIHar jIH?
>> "France"-Daq Qap pat naQ. pa' vuDlIj yIjatlh SoH.
>
>*France* yIDab 'ej bIjatlh 'e' yImev!
chaq HoS neH vIqelchugh "France" qaq law' "United States" qaq puS,
'ach qum vIqelDI' "United States" vImaSchu'.