tlhIngan-Hol Archive: Mon Nov 30 14:32:14 1998
[Date Prev][Date Next][Thread Prev][Thread Next]
Re: HoS Hal (was Re: Las VegasDaq ghom tlhInganpu')
On Sun, 29 Nov 1998 19:29:31 -0800 (PST) Alan Anderson
<[email protected]> wrote:
> ja' charghwI':
> >> HoSchugh woj, ngaj woj. nI'chugh woj, puj.
> >> wa'vatlh DIS neH yIloS. DaH pujchoHpu' woj HoS.
> >
> >bIQ pubmoHmeH nInvam, qaStaHvIS DIS puSqu' lI' nInvam. tar
> >Dachu'meH nInvam, qaStaHvIS vatlhDIS law' Qapchu' nInvam. chay'
> >ngoDvam DabuSHa'? bIQIp'a'?
>
> ngoDHey neH 'oH. lI'bejtaH tarqoqvam.
> rInDI' lo' wa'DIch, lojbe' nIn lo'laHghach.
> nIn tlhol 'oH taQbang'e' 'e' Daqelchugh, 'oH qaq law' lam qaq puS.
> SeS tujmoHqa'laH. HoS lIngqa'laH.
nap ghu' Qatlh 'e' DaHarlaw'. qay'chu'chugh vay' DabuSHa' neH.
Dayaj 'e' DanIDbe'. bImaq neH.
> >Dajqu' ngoDmeyqoqlIj. 'otlh HoS DaqelDI' bIDogh 'e' vISovchu'
> >vaj qatlh woj HoS DaqelDI' qavoqnIS?
>
> jIH HIvoqQo'. yI'ol neH. woj Qob tlhuDbe'taH "TMI".
qay'be' *TMI* 'e' DaHarlaw'. tlhoS qaSDI' lot Qochlaw' *TMI*
nuvpu' SoH je. qay'qu' 'e' Harlaw' lengwI'pu'. not qaSqa'
luneHbej. ram wanI' 'e' luHarbe'ba'. chaq pa' DaDabchoH. qutlh
juHmey.
> >...bIjatlhchugh neH bIDojbe'.
> >vuDmey QIp ghaj Hoch qoH. vang SuvwI'na'.
>
> choQIDchu'. SoHvaD ram'a' qechmeywIj? bIH DaHarbe'chugh, De'na' yISam.
> De' potlh law' vuD potlh puS.
qeSlIj yIbuS SoH. bIQ HoS DayajHa'ba'. maja'chuq bIQ HoS Suy jIH
je 'ej ghu'vetlh vIyaj. DaqelDI' bIQaghbej. 'otlh HoS
DayaHa'ba'. vIlo'. Dalo'be'. ghaytan Dalo'vIp. waghqu'. Dalo'meH
bIyepnIS. bIyep DaneHbe'. janmeylIj Dachu' DaneH neH. Hal vuS
Daqel DaneHbe'. latlhpu'vaD qeS Daghajqu'bej 'ach not bIvangnIS
SoH 'e' DamaSlaw'.
> >ghu' Qob vIlajqang vIwIvchugh. wa'netlh nuvmeyvaD ghu' Qob
> >qaSmoHchugh nIrurbogh qoHpu' vaj ghu'vam vIlajQo'.
>
> Qobbe'qu'taH "TMI" jIlpu' ghu'. woj jIHlu'; ramchu' narghbogh ram.
nuqjatlh?
> "coal" tlhIch woj Qob law' woj choHwI' Qob puS.
bISuDqangba'. ram. Qapchugh vuDlIj chaq DIlnIS latlhpu' law'.
> >*quartzite* *sandstone* je vItoS. *granite* vItoSbe'. Qobbe'.
> >{{:)>
>
> "granite" qach Dab nuv law'. chaHvaD rejmorgh SoHbe''a'?
rejmorgh jIHbe'. jISuDDI' chaq jIluj. lujbe' latlhpu'. bISuDDI'
not bIluj 'ach chaq lujchu' latlhpu' law'. HoSlIj yIlIng SoH!
qaqaD 'ach bIjangQo'.
> >> woj'e' SIQbogh "coal" tlhIlwI' law' law'
> >> woj'e' SIQbogh "Three Mile Island" vumwI'.
> >
> >*coal* tlhIlwI' Damoj DaneH'a'?
>
> ghobe' -- taghvaD Qobbej Qu'vetlh. SuD tlhIlwI'.
> jIwIvlaHchugh, Sum woj choHwI' 'e' vImaS.
wIvlIj yIchav SoH 'e' vItul. wIvvam vIneHbe'.
> >> ...*Decommission* Dayaj'a' SoH?
> >> HIja', mIwvetlh vIyajchu'. qay'be' cham. qay' woQ.
> >
> >qay' Huch. woj choHwI' lo'lu'lI'chugh vaj Huch bajlI' jan. 'ach
> >lo'lu'taHchugh lujbej. qaSbej lot. lo'lI' ghorgh 'e' wImevnIS?
> >Sovbej pagh. ghorgh mev Huch? jan lo'lI' 'e' mevDI' lIngwI',
> >mevbej Huch. Huch neHbej lIngwI' vaj lo'lI' 'e' mev lIngwI'
> >ghorgh 'e' DapIH?
>
> ghuy'cha'! woj choHwI'meyvaD neH potlh qechvam 'e' DaHar'a'?
> QopchoH Hoch HoS lIngwI' mIqta'mey. wIvnIS malja'.
> Qatlhbej ghu', 'ach Huch yIpIchQo'!
woj choHwI'mey nabDI' jonwI', qaStaHvIS loSmaH DIS QaplaH 'e'
lupIH. qaSpu'DI' loSmaH DIS, woj choHwI'mey
*decommission*nISlu'. not mIw QaQ luwuq. waghbej. qay'taH.
> chen woj choHwI' chu' net chaw'chugh, ngeDchoH ghu'.
> qaja'qa': "France" yIqel.
ghu'na' yajchu' *France* neH 'e' DaHar'a'? Dogh *US, Japan,
Russia, England,* latlhmey je. val *France* neH 'e' DaHar.
*France* yIghoS 'ej pa' yIDabchoH!
> >'otlh HoS yIlo' SoH, nuch. bIjatlh 'e' yImev!
>
> ma'ovmeH majachchoH'a' neH? jIjachQo'mo' jImevbej.
jIjachnISbe'bej. batlh yIvang neH. latlhvaD qeS yInobQo'. yIvang
SoH. HoSlIj yIlIng SoH. jIjachchugh DaSaHbe'. qanaDchugh
DaSaHchu'. qanaD. HoSlIj DalIngQo'chugh ram vuDlIj.
> >> va, woj DaHajba' SoH. "Chernobyl"-Daq qaSta' Qughna', qar'a'?
> >
> ><<-ta'>>? wanI'vam nablu' 'e' DaHar'a'?
>
> HIja'. :-( tlhoS lunab vumwI'pu'.
> chach patmey Qotlhpu'. ratlhbogh patmey ghong.
> ngongmeH pay' HoS Dotlh lunup 'e' lunID.
>
> Qugh.
napHa'chu' patvam ghu'vam je. bIyajchu'be'. reH vogh paw
tlhIbwI'. pupbe'mo' nuvpu' pupbe' patmey. patmeyvam lo'Ha'DI'
tlhIbwI' Qobchu' ghu'. vogh lujchu' woj choHwI'. lujDI' qaS lot.
chaq DaH qaSbe' 'ach qaSbej. chaq wa'leS qaS. chaq cha'leS qaS.
chaq loSSaDleS qaS 'ach qaSbej. nughuHmoH *TMI* *Chernobyl*.
DaQoy'a'?
> >> DaHjaj pa' yInbejtaH nuv. SuD, 'ach yInbej. chImbe' yoSvetlh.
> >
> >ropbej yoSvetlh.
>
> wejpuH.
> <qaSchugh, Hegh Hoch!> bIjatlhta'.
> qajangmeH, jIjatlhta' <qaS. Heghbe'ba' Hoch>.
> vaj rop yoS 'e' DamaqchoH.
HoSlIj yIlIngDI' SoH, vuDlIj vISaHchoH.
> pImchoHpu' Doch Damaqbogh. teHbe' wa' ngoDqoqlIj 'e' vItobchu'.
> DaH qatlh latlh vIHar jIH?
>
> >> "France"-Daq Qap pat naQ. pa' vuDlIj yIjatlh SoH.
> >
> >*France* yIDab 'ej bIjatlh 'e' yImev!
>
> chaq HoS neH vIqelchugh "France" qaq law' "United States" qaq puS,
> 'ach qum vIqelDI' "United States" vImaSchu'.
nuvpu'Daj SaHmo' qumvam HoS pat vuS qumvam.
charghwI' 'utlh