tlhIngan-Hol Archive: Mon Nov 23 12:18:26 1998
[Date Prev][Date Next][Thread Prev][Thread Next]
Re: HoS Hal (was Re: Las VegasDaq ghom tlhInganpu')
jIchegh.
On Sun, 22 Nov 1998 15:54:33 -0800 (PST) Alan Anderson
<[email protected]> wrote:
> ja' charghwI':
> >vay' DameQmoHchugh lojchoHlaHbogh nIn Dalo' 'ej muD DalammoH.
>
> bIlughbe'...
> >> 'ach woj choHwI' taQbangqoq Say' law' "coal" meQwI' taQbangna' Say' puS.
> >
> >wa' jaj neH qellu'DI' bIqar, 'ach loSnetlh DIS DaqelDI' woj
> >choHwI' lam law' Hoch lam puS. reH tarna' moj woj choHwI'.
>
> wIch 'oH ngoDqoqvam'e'! veQ 'oHbe' woj choHwI' taQbangHey'e'.
> ratlhtaHmo' woj, lI'taH. nIn lI' 'oH taQbangqoq'e'.
> HoSchugh woj, ngaj woj. nI'chugh woj, puj.
> wa'vatlh DIS neH yIloS. DaH pujchoHpu' woj HoS.
bIQ pubmoHmeH nInvam, qaStaHvIS DIS puSqu' lI' nInvam. tar
Dachu'meH nInvam, qaStaHvIS vatlhDIS law' Qapchu' nInvam. chay'
ngoDvam DabuSHa'? bIQIp'a'?
> >> qay'be'qu'bejqu' "Three Mile Island" Qughqoq. narghbe' woj.
> >> Qapchu' chach patmey. wanI'mo' Hegh pagh.
> >
> >bIqarbe'. SIbI' Hegh pagh. QIt Hegh jIlpu' vumwI'pu' je.
>
> Qo'! qaStaHvIS Hoch qun "Three Mile Island" woj choHwI'vo' narghbogh woj
> mach law' qaStaHvIS wa' DIS wa' "granite" qojvo' narghbogh woj mach puS.
Dajqu' ngoDmeyqoqlIj. 'otlh HoS DaqelDI' bIDogh 'e' vISovchu'
vaj qatlh woj HoS DaqelDI' qavoqnIS? 'otlh HoS vIlo'. HoS
lIngwI'pu' vIpIchbe'. jIvang! bIjatlh neH 'ej ngoDmeyna'
DabuSHa'ba'. qutlh vuDlIj. bItob'egh Huch 'ar Danobqang? HoS
Dayaj 'e' DaHar'a'? HoS yIchenmoH SoH! yIjatlhQo'taH. yIvang!
bIbuD'a'? Davonlu' 'e' DaHaj'a'? bIjatlhchugh neH bIDojbe'.
vuDmey QIp ghaj Hoch qoH. vang SuvwI'na'.
> qojmey DatoSmo', ghu'lIj Qob law' "Three Mile Island" jIl ghu' Qob puS.
ghu' Qob vIlajqang vIwIvchugh. wa'netlh nuvmeyvaD ghu' Qob
qaSmoHchugh nIrurbogh qoHpu' vaj ghu'vam vIlajQo'.
*quartzite* *sandstone* je vItoS. *granite* vItoSbe'. Qobbe'.
{{:)>
> woj'e' SIQbogh "coal" tlhIlwI' law' law'
> woj'e' SIQbogh "Three Mile Island" vumwI'.
*coal* tlhIlwI' Damoj DaneH'a'?
> >> bIlughbe'. Sengmey vISaHqu'. 'ach SengHommey neH vItu'.
> >
> >bIbejqu'be'. cham bIvoqchu'. DaH woj choHwI' 'ar wIchenmoHtaH?
> >pagh meqmo' mamej 'e' DaHar'a'? *Decommission* Dayaj'a' SoH?
>
> HIja', mIwvetlh vIyajchu'. qay'be' cham. qay' woQ.
qay' Huch. woj choHwI' lo'lu'lI'chugh vaj Huch bajlI' jan. 'ach
lo'lu'taHchugh lujbej. qaSbej lot. lo'lI' ghorgh 'e' wImevnIS?
Sovbej pagh. ghorgh mev Huch? jan lo'lI' 'e' mevDI' lIngwI',
mevbej Huch. Huch neHbej lIngwI' vaj lo'lI' 'e' mev lIngwI'
ghorgh 'e' DapIH?
> qay' woj luHajbogh chut chenmoHwI'pu'.
qay' tarna'.
> >> yIqIm: ben muD lam law' DaHjaj muD lam puS. HoS lIngwI'mey DIDub.
> >
> >*U.S*Daq bIqar. *Brasil*Daq bIqarbe'. *China*Daq bIqarbe'. wa'
> >jaj muDmaj moj muDchaj.
>
> vaj cham Say' wInoynISmoH. qatlh ghu' luDublaHbe' "Brasil"-ngan?
jochaj luyajlaHbogh lo'nIS. qo' naQ Do'Ha' ghu', 'ach *Brasil*
che' *Brasil*. lI'be' vuDlIj.
> >nap ghu'. nIn wIlo'bogh wInupchugh vaj muDmaj Say' wIghur.
> >roghvaHmaj wInupchugh vaj nIn wIlo'bogh wInup.
> >
> >ngoDna'vam DaHon'a'?
>
> vIHonchu'! ngoDHey neH 'oH. vItobHa'meH ghu' vIyoymoH:
> cha'maH ben nIn wIlo'bogh puS law' DaHjaj nIn wIlo'bogh puS puS, qar'a'?
> 'ach cha'maH ben muD lam law' DaHjaj muD lam puS 'e' yItu'!
> napba'be' ngoDqoqlIj.
jISaHbe'. qaStaHvIS cha'maHDIS ghu' wIDub 'ej ghu' wIDubnIStaH.
not mabuDchoHlaH. HoS lIngwI' DapIchDI' bIbuD. HoSlIj yIchenmoH
SoH! DachenmoHlaH 'ach Dachenqangbe'moH. bIbuD. bIvangQo'.
bIjatlh neH. qaqaD. HoSlIj yIchenmoH. HoSlIj DachenmoHQo'chugh
vaj vuDmeylIj lI'be' vIbuSHa', tu'HomI'raH.
> >> muD lamqu'moHbe' DaHjaj Duj. QuQmey DIDub.
> >
> >QuQmey DIDubtaHvIS Duj mI' wIghur. Duj mI' wInupchugh vaj muD
> >Say' wIghur.
>
> qechvam vItobHa'meH mIw rap vIlo'laH.
vuDmey lI'be' neH Daghaj. Davangqangbe'. nuch.
> >wej woj choHwI'mey DI*decommission*ta'. tugh
> >DI*decommission*nISchoHbej. mIwvamvaD wIDIlnIS 'ej reH tarvam
> >wIpolnIStaH.
>
> tarqoqvam wIlo'qu' net chaw'chugh, qaq ghu'.
'otlh HoS yIlo' SoH, nuch. bIjatlh 'e' yImev!
> >waghqu' 'ej wej mIw toblu'.
>
> Qu'vatlh -- DaHjaj Hatqu' mIw tobmeH Qu' jay'!
> QIplaw' chut chenmoHwI'pu'.
QIplaw' Hoch. bIvallaw' SoH neH. pIch ghaj Hoch. bIwatlhlaw'.
yIvang, nuch. 'otlh HoS yIlo'. mu'meylIj lI'be' yIpol.
> >maQaghchugh Hegh
> >nuvpu' law'qu' Ha'DIbaHmey law'qu' tI law'qu' je 'ej
> >qaStaHvIS loSnetlh DIS yoS tInvaD yInlaH pagh.
>
> va, woj DaHajba' SoH. "Chernobyl"-Daq qaSta' Qughna', qar'a'?
<<-ta'>>? wanI'vam nablu' 'e' DaHar'a'?
> DaHjaj pa' yInbejtaH nuv. SuD, 'ach yInbej. chImbe' yoSvetlh.
ropbej yoSvetlh.
> >> HoS lIng nIv DIlo'choH 'e' lubotlaw' HajwI'mey.
> >
> >qoH vuD 'oH vuDvam'e'. tugh vuDvam wIDIlqu'nIS.
>
> raplaw' vuDlIj, "Luddite" vuD je. jatlh not qaSta'mo', qaSbe'nIS!
> jatlh Qobmo', wIjunnIS!
'otlh HoS lo'be' *Luddite*. HoSvam vIlo'. cham lugh vIwIvchu'
vIneH. QaQ Hoch cham 'e' DaHarlaw'. Doghlaw' Hoch chut
chenmoHwI'. Doghlaw' Hoch HoS lIngwI'pu'. bIval SoH neH. chaq
ta' pImojnISmoH 'e' DaHar. qay'lu'DI' DatI'laH. luj Hoch
latlhpu'.
wejpuH.
yIvang, nuch.
> "France"-Daq Qap pat naQ. pa' vuDlIj yIjatlh SoH.
*France* yIDab 'ej bIjatlh 'e' yImev!
> -- ghunchu'wI'
charghwI' 'utlh