tlhIngan-Hol Archive: Fri Mar 06 16:19:06 1998
[Date Prev][Date Next][Thread Prev][Thread Next]
nganpu' qIj jar
- From: WestphalWz <[email protected]>
- Subject: nganpu' qIj jar
- Date: Fri, 6 Mar 1998 19:18:52 EST
qonwI': Dr. Barbara J. Love
maghwI': peHruS
Theo qel lutvam. jajlo' vem ghaH, Hu', SoSvaD ghel:
"SoSoy, tera'Daq nganpu' qIj tu'lu'be'chugh, chay'?"
loQ Qub SoSDaj vaj jang: "Theo, DaHjaj yItlhej. tera'Daq nganpu'
tu'lu'be'chugh chay' 'e' wIwaH. toH. DaH yItuQmoH vaj maruch."
Sut waqmey tuQmoHmeH Theo pa'DajDaq qet ghaH. cheghDI' ghaH bej SoSDaj 'ej
jatlh: "Theo, nuqDaq bIH waqmeylIj'e'? Habbe' SutlIj. vI'uynIS." 'ach,
'uywI' beQwI' nejDI' ghaH, tu'lu'be'. 'uywI' beQwI' 'oghta' Sarah Boone, be'
qIj. tay'chuqmoHmeH waq SIrgh je jonta' 'oghta' Jan Matzelinger, loD qIj.
jatlh SoS: "toH. jIblIj DaHabmoH yIjaH!" pa'DajDaq qet Theo, 'ach jIb
HabmoHwI' SamlaHbe'. 'oH 'oghta' Walter Sammons, loD qIj. *brush* nej ghaH,
'ach tu'lu'be'. 'oghta' Lydia Newman, be' qIj. Do'Ha'! moHqu'! waqmey
Hutlh Theo; gheghqu' SutDaj; Habbe'qu' jIbDaj. yaHmo' 'oghwI'mey law'
'oghta'bogh Madam C. Walker, be' qIj, ghIH je SoSDaj jIb. Suyaj'a'?
TheovaD jatlh SoSDaj: "juHmajDaq ghIghmeymaj DIchavpu'DI' SojqachDaq majaH."
rav DI bI' Theo. bI'taH 'ej bI'taH. DI 'un woH ghaH neHDI' SamlaHbe'.
'oghta' Lloyd P. Ray, loD qIj. wa' DopDaq DI lan ghaH. vaj ravDaq bIQ lo'
ghaH 'ej bI'qa' neH ghaH. 'ach bIQ lo'bogh bI'wI' tu'lu'be' je. 'oghta'
Thomas W. Stewart, loD qIj.
SoSDajvaD jach Theo: "SoSoy, Do'Ha'!"
jang SoS: "toH. Sutvam vISaymoHpu'DI' Soj tetlh wIqon." rIn Sut SaymoHbogh
Qu', vaj QaDmoHwI' Sutmey lan SoS neH ghaH. 'ach QaDmoHwI' tu'lu'be'.
'oghta' George T. Sampson, loD qIj.
Soj tetlh luqonmeH chaH ghItlhwI' nav je qem Theo 'e' tlhob SoS. qet Theo,
'ach cheghDI' jejHa' ghItlhwI' 'e' 'ang ghaH. 'ach jejmoHlaHbe'. ghItlhwI'
jejmoHwI' 'oghta' John Love, loD qIj. baS ghItlhwI' nej SoS, 'ach SamlaHbe'.
'oghta' William Purvis, loD qIj. De' ghItlhmeH jonta' 'oghta' Lee Burridge
'ej *printing press* 'Itlh 'oghta' W. A. Lovette.
Sojqach lughoS Theo SoSDaj je 'e' luwuq. lojmIt poSmoHDI' Theo tI jen legh
ghaH; jen; rur Theo. tI pe'meH jonta' (lawn mower) 'oghta' John Burr, loD
qIj. yavDujchaj luyong, 'ach chu'laHbe'. *automatic gear shift* 'oghta'
Richard Spikes, loD qIj. QuQ qoDDaq nIn meQmeH Hujchu'bogh pat mIqta'(Let's
see who figures this one out!) 'oghta' Jospeh Gammel, loD qIj. vIH yavDujmey
puS 'ach Hutlhmo' SeHmeH wovwI'mey ngeQchuq Hoch. yavDujmey SeHmeH wovwI'
'oghta' Garrett A. Morgan, loD qIj.
cholmo' choS, SojqachDaq yIt chaH, Soj tlhap, juHDaq chegh. nIm, QIm, tlhagh
je pol 'e' lunIDDI' bIrmoHmeH jan tu'lu'be'. 'oghta' John Standard, loD qIj.
vaj beQwI'Daq Soj lulan.
DaH loQ bIr 'e' tlhoj Theo. tujmoHmeH jan leQ lIS SoSDaj neH ghaH, 'ach
tu'lu'be'. wej tujmoHmeH jan 'oghta'mo' Alice Parker, be' qIj, wej leQ
'oghta' je. qaStaHvIS poH tuj, juH muD bIrmoHlaHbe' je. bIrmoHmeH jan
'oghta' Frederick Jones, loD qIj.
chollI' juHDaq cheghmeH Theo vav poH. roD lupwI' lIgh ghaH. 'ach lupwI'
tu'lu'be'mo' paS ghaH. 'ul lo'bogh *trolley*'e' 'oghta'bogh Elbert R.
Robinson 'oH lupwI' nubwI''e'.
pawDI' Theo vav, Doy'qu'. qach patlh cha'maHDIch yaHDajvo' mejDI' ghaH, roD
nuvpu' SalmoHwI' lIgh ghaH. 'ach SalmoHwI' 'oghta' Alexander Miles, loD qIj.
motlh Sumbogh jabbI'ID ngaSwI'Daq pIn'a'Daj QInmey lan Theo vav. 'ach
jabbI'ID ngaSwI' (drop box) 'oghta' Philip Downing, loD qIj. QIn qatwI'
HurDaq HuchHey qIlmeH jan 'oghta' William Barry, loD qIj.
vutpa' raS retlhDaq ba' Theo SoSDaj je; nachDu'chaj 'uch. pawDI' Theo vav,
ghel: "qatlh pa' HurghDaq Suba'?" qatlh? wovwI' qoD SIrgh 'oghta' Lewis
Howard Latimer, loD qIj.
nganpu' qIj Hutlhchugh tera', ghu' ngu'pu' Theo. DaH latlh ghoj ghaH neH
ghaH. paqmey laDmo' ghaH, 'Iw polmeH mIw 'oghta' Charles Drew 'ej tIq poS
Haqpa' ghot pIm Haqpu' Dr. Daniel Hale Williams 'e' ghoj Theo.
wanI' law' buSnIS Theo, SoSDaj, vavDaj je.
rIn Theo lut qonbogh Dr. Barbara J. Love
chel peHruS
qIjbe'chugh wo'rIv Dabogh loD, Michael Dorn,
chay'?.............................