tlhIngan-Hol Archive: Tue Mar 04 17:36:43 1997
[Date Prev][Date Next][Thread Prev][Thread Next]
Re: Hol vIlo'
Joel Peter Anderson writes:
>>wa' potlh law' latlh potlh puS pagh nIb cha' potlhtaHghach.
>>chay' bIjang?
>
>HIja'. pImlaH potlhtaHghachmey 'ej nIblaH potlhtaHghachmey.
ghuy'cha' bIjangpu'be' jay'.
qonlu'taHvIS, nIv'a' nuq?
wa' DawuvnISchugh, potlh'a' pab? potlh'a' ghItlhghach?
(chIch <ghItlhghach> vIlo'bej.)
><batlh ghob yIpab> vIja'. <batlh pab yIpab> vIja'be'.
batlh bIvang DaneHchugh, ghob DapabnISlaw'.
bIQum DaneHchugh, pab DapabnISbej.
>ghob potlh law' pab potlh puS
>'ach pab lo'laHqu'!
wejpuH. batlh potlh law' Hoch potlh puS net Sov.
'ach pab DabIvchugh ghaytan DayajHa'lu' 'ej Do'Ha'choH ghu'.
<pab lo'laHqu'> vIlaDDI', <pab lo'laHqu' 'Iv?> vIQub.
<'Iv DaqeltaH?> vISIv.
QIt jIyajchoH: <lo'laHqu' pab> DaghItlhHa'pu'.
>>parmaq potlh law'. qorDu' potlh law'. lalDan potlh law'. pab potlh puS.
>> [Love matters much. Family matters much. Religion matters much.
>> Grammar matters little.]
>
>> nuqjatlh? pabqoqvam vIyajbe'.
>
>qatlhIj. 'oy' DaSIQjaj.
'oy' vISIQlI' 'e' vIlay'.
>> DaH <ram pab> Damaqlaw' SoH.
>
>ghobe'. <pab lo'laH> vImaqchu'.
nuqjatlh? <pab potlh puS [Grammar matters little.]> Damaqta' jay'!
lo'laH pab net Sov.
bIja' DaneHchugh lI' pab.
Dayajlu' DaneHchugh 'ut pab jay'!
-- ghunchu'wI'