tlhIngan-Hol Archive: Tue Jun 24 15:36:55 1997
[Date Prev][Date Next][Thread Prev][Thread Next]
KLBC story: ghomqa' qorDu'
- From: "Robyn Stewart" <[email protected]>
- Subject: KLBC story: ghomqa' qorDu'
- Date: Tue, 24 Jun 1997 15:35:19 PST
- Organization: NLK Consultants, Inc.
- Priority: normal
Family Reunion - a story. Notes on things that might confuse
beginners are at the end. Yes, it's long, but you can tackle it a
chunk at a time. There are four different scenes. Oh and the reason
the title doesn't quite fit the story is that I made up the title
first and then the story, and stories never quite go where I expect.
I'm quite happy with the way this one worked out.
Beginners, watch for follow-ups to the story: they may correct
errors.
*ghomqa' qorDu'*
HuDmey jojDaq wam tlhIngan loD. po 'eqqu' juHDaj mejpu' 'ej DaH
Ha'DIbaH ghoch. gheD HoHchugh vaj qorDu'Daj je'bej. be'nal puqloD
puqbe' je ghaj loD. wa' ngoD potlhqu' Sovbe' loD. juHDaq ratlhbe'
qorDu'Daj.
* * *
yavDaq ba' tlhIngan loDHom Qupqu'. ghung ghaH. lam. yIvbeH tIq tuQ
'ach waq tuQbe'. rIQ poSDaj bem. ghopDajDaq nagh 'uchqu' 'ej ngem
bej. bIr yav. Hurgh ngem. juHDajDaq jaH neHqu' 'ach He
SamlaHbe'pu'. nagh jej gho'mo' yItlaHbe'. DaH naghvetlh jej 'uch
loDHom. ngemDaq chuS vay'. leSHa'choH puq.
* * *
ngemDaq puqloDDaj nej be'. DubDajDaq ghu qeng. najtaHvIS bom..
ghu jotmoHmeH bombe'. puqloDoyDaj SammeH bom. poH nI' nej be'.
poH nI' puqloD pong jachtaH. DaH Qop HughDaj. jachlaHbe'.
qaStaHvIs tup bom be'. qaStaHvIS tup 'Ij. QIt yIt 'ej yav bej, 'ach
tIS puqHom 'ej let yav. yav ghItlhbe'pu' puq qamDu'.
pay' puq ghogh Qoy. jachqu' puqDaj'e'. Sotbej. He bot tI 'ach qetqu'
be'. qabDaj QID Sormey. DubDajDaq vem ghu 'ej jachchoH. qettaHvIS
taj lel SoS 'ej vay' Qob SuvrupchoH. puqloD leghDI' 'er naS legh je.
puq yeb choplI' 'er. Qam puq 'ej Suv, 'ach rIghlaw' 'ej DeSDajDaq
'Iw tu'lu'. nom 'er HIv be'. puq chopqa'meH 'er, Ha'DIbaH ghIch woS
je Dech be' ghopDu'. puqvaD <qet!> jach SoS, 'a qetlaHbe' puq. pum.
'er nach tlhe'moH be'. mInDaq DuQmeH wa' ghop vIHchoH. wej DuQta'
'ach pay' pum 'er. vIHqa'be'. Heghba'pu'. ghu' nuD be'. lom
retlhDaq ba' puqloDDaj. nagh jej 'uch. regh 'ach naghDaq
tlhIngan 'Iw tu'lu'be'. 'er 'uchtaHvIS SoS, 'er Hugh SIjta'
puqloDHom.
* * *
juHDaq paw vav, Ha'DIbaH qemtaHvIS. chIm juH. Dach be'nal.
Dach ghu. Dach je puqloD. nuqDaq chaH? tugh be'nal Qoy. bom ghaH.
'Ij loD 'ej yay bom Qoy. mon. Qapla'wIj bom be'nalwI'.
choltaHvIS qorDu'Daj bej vav. QIt yIt. rIghlaw' loDHom. nuq qeng
chaH? puqloD chav QIjDI' be'nalDaj, puqHom ghopvo' nagh jej tlhap
vav 'ej taj tam. <DaHjaj loD SoH> maq. <DaHjaj malop.>
--------
Notes:
remember plurals are optional in Klingon. waq tuQbe' would probably
be translated "he is not wearing shoes" and not "he is not wearing a
shoe."
The perfective suffixes -pu' and -ta' don't designate past tense
action, but action that was completed before the time being
considered. <po 'eqqu' juHDaj mejpu' 'ej DaH Ha'DIbaH ghoch> --"He
had left his home in the very early morning and now he was tracking
an animal." OR "He left his home very early and now he is tracking."
OR (if the sentence were a prediction) "He will have left his home
very early and now he will be tracking."
The mother screams at her son in clipped Klingon as she grabs the
'er. Proper Klingon would be <yIqet>.
je after a verb means "also"
We don't really know what sort of animal an 'er is, but for the
purpose of this storry it's a four-legged carnivore a bit like a pit
bull. It would make an easy meal of a Klingon toddler.
Words not in TKD:
bem - sole of foot
'uch - hold
'eq - early
bom - sing
ghItlh - mark
yeb - wrist
regh - bleed
mon - smile
... and there are probably a few more that I use so much I've
forgotten that we once lacked them.
- lut qontaHbogh Qov jIH