tlhIngan-Hol Archive: Thu Jul 10 14:14:22 1997
[Date Prev][Date Next][Thread Prev][Thread Next]
Re: Saj, 'ay' cha'DIch
- From: "William H. Martin" <[email protected]>
- Subject: Re: Saj, 'ay' cha'DIch
- Date: Thu, 10 Jul 1997 17:14:19 -0400 (EDT)
- In-Reply-To: <[email protected]> from "Deborah Kay" at Jul 9, 97 04:29:01 pm
bIjatlhqa'chu'ta'. QaghHomHeylIj vItu'law'ta'bogh qa'ang:
According to Deborah Kay:
...
> loDHomDaq toS targh 'ej volchaHDaj ba'.
volchaHDajDaq ba'. volchaH ba'laHbe'ba' vay'.
> loDHom qogh chop targh, yeptaHvIS.
yep 'Iv? yep targh 'e' vIpIH. yepchugh loDHom vaj qoghDaj
choplaH pagh. bIQaghpu'be', 'ach bIjatlhlaHchu' 'ej loQ vay'
mISmoHlaH mu'leghvam.
> <DaH vIruch, vavoy. 'oHvaD SIQwI' vIpong.>
<DaH jIruch, vavoy.> nuq ruchlaH vay'?
...
> SoptaHvIS qorDu', SoSDajvaD tlhob loDHom, <targhvaD 'op DaHjaj gheD
> chonob'a'?>
nom De' chu' Dalo'ta'. Hu' puS <DaHjaj gheD> nunob *Okrand* 'ej
DaH Dalo'ta'. majQa'!
...
> reH ghungtaH loDHom, 'a targhvaD SojDaj nobtaH. pagh ta'
> SoSDaj vavDaj je. vavDajvaD jatlh loDHom 'e' wuq.
jIyajchu'be'. mu'mey vIyaj, 'ach wanI'mey DaDelbogh vIyajbe'.
> <reH ghungtaH SIQwI' jIH je. Soj vISuqmo' vIneH, gheD vIwam.> jang puq.
<Soj vISuqmeH taj vIneH. gheD vIwamchoH.>
ngoQ DaDel. meq DaDelbe'. ngoQ DaDelmeH, <-meH> yIlo'. meq
DaDelmeH, <-mo'> yIlo'.
> <maj. ghu'vam Dayajmo', jIQuch. ghojmeH taj qanob. batlh yIlo'.>
bIqImtaHba'. <ghojmeH taj> Dalo'mo' bIDojqa'.
...
> QIt bIH jonmeH, ghoj.
<bIH jonmeH, QIt ghoj.> vImaS. QIt jon'a' pagh QIt ghoj'a'?
chaq nom bIH jonmeH QIt ghoj. chaq QIt bIH jonmeH nom ghoj. nuq
DaHech?
> rIn 'ay' cha'DIch.
majQa'! lutlIj Dun vItIvqu'.
> SanDar
charghwI'