tlhIngan-Hol Archive: Thu Feb 27 19:48:39 1997
[Date Prev][Date Next][Thread Prev][Thread Next]
ram chal wanI'
- From: DaQtIq <[email protected]>
- Subject: ram chal wanI'
- Date: Thu, 27 Feb 1997 22:48:00 -0500
choS chalDaq vIlegh. ghIrpu' pemHov 'ach wej Hurgh chal. SuDqu'bej.
pay' 'oH vIlegh! tlhIch'e' tlhuchbogh puvwI' wovmoH pemHov So'lu'bogh.
chal SIj qeylIS betleH 'ej tlhIch Doqqu' regh chal. muvong. bang mong
lupe'DI' pachwIj, DIrDajDaq 'Iw tlhegh vIghItlh. muvuQ 'Iw tlhegh
rurbogh tlhIchvam. chal SuDqu'Daq Doqqu' 'ej wew. Dun!
qaSpu' rep puS...
juHDaq jIcheghDI', pay' ram chal vItu'qa'. Huvqu'! juH DungDaq jItoS
'ej jIQot. bIrbe' ram. Hovmey vIbej 'ej vIvan. Hovghom law' vIghov.
jIQuptaHvIS, Hovtej vImoj vIneH 'ej jIHaDqu'. jum tera'ngan Hovghom
'ach vIghovlaHchu'. wamwI' vIlegh. Hov wovqu' vIlegh. targhHovqoq 'oH.
tera' ram chalDaq Hovvam wov law' Hoch wov puS. rapbogh loDnI'pu' vIlegh
'ej Soch be'nI' vIlegh je. Hoch be'nI'pu' vIleghchu'! Huvqu' chal.
cha' yuQ vIleghlaw'. yuQ Doq vIlegh 'ej chaq yuQ tInqu' vIlegh.
DIch vIghajbe'.
juH DungDaq jIQot 'ej jIleS. wej naQ Sormey vaj chal naQ vIleghlaH.
qaStaHvIS tuj jarmey, chal naQ vIleghlaHbe'. Sor joqmoH SuS. chuS SuS
'ej loQ qamDu'wIj bIrmoH. (waqwIj vItuQHa'moHta'.) SumchoH Hoppu'bogh
SuS 'e' vIQoylaH. chuSqu'taHvIS SuS, joqqu' Sor. muSeymoH.
ram chalDaq puvwI' puS tu'lu'. vIHtaHvIS, vIbej. lupDujHom moj vIneHqu'.
QumwI'wIj vIHotDI', QumpInwI' ghogh vIQoy vIneHqu'. jIra': <jol yIchu'!>
'ej meHwIjDaq jIchegh 'ej wo'vaD jItoy' 'ej batlh jIHegh. 'ach jInaj neH.
qaStaHvIS tuj jarmey, chaq juH DungDaq jIQong.
- DaQtIq
(taghwI' SoHchugh 'ej ghItlhvam DalaD 'e' Data'chugh vaj qanaD! majQa'!)