tlhIngan-Hol Archive: Wed Jul 24 19:08:09 1996
[Date Prev][Date Next][Thread Prev][Thread Next]
Re: KLBC: lutHom
- From: [email protected] (Alan Anderson)
- Subject: Re: KLBC: lutHom
- Date: Wed, 24 Jul 1996 21:12:28 -0500
Tony Harris writes:
>jIqeqmeH tlhIHvaD lutHom vInob.
maj. lutHomlIj DaghItlhtaHvIS, tlhIngan Hol pab Daghoj.
>lIyajbe'chugh DIvI' HolvaD 'oH vImughlaH.
<boyajbe'chugh> DaghItlh DaHech, qar'a'?
'ej <DIvI' HolvaD> vIpar. <DIvI' Hol jatlhwI'pu'vaD> Daqel'a'?
chaq <'oH vImughmeH DIvI' Hol vIlo'laH> Daja'laH.
>QaghmeywIj yIlughmoH 'ej jIHvaD bIH yIja'.
reH Qaghmey vIja'qang! :-)
>chaq vISuchDI' SajDaj vIlegh.
'Iv DaSuch? SIbI' jImIS.
>targhDaj vIleghchugh vaj jIQuchbej.
targhvetlh DaparHa'ba'.
><<juHwIjDaq ghoSpa' SajDaj vIHoH>> jatlh jupwI'.
Saj ghaj 'Iv? jImIStaH.
><<Saj yIHoHQo'!>> vIjatlh QaQmo' targhDaj.
><<SajDaj DaHoHchuch vaj jupma' Damagh.>>
maj...
>muQubmoH jupvam DaH juHwIjDaq ghaHbogh.
tlha'Ha'chuq mu'meylIj. Hoch nungnIS <DaH>
<juHwIjDaq ghaHbogh jupvam> DaghItlhnISlaw' 'ach <ghaHbogh> vIparqu'.
>qatlh juHwIjDaq ghaH'a'?
<qatlh> Dalo'chugh, 'utHa'bej <-'a'> 'ej lughbe'bej.
>vIvoqlaH'a'? vISaHbe' 'e' vISov.
jIyajlaw'. loQ tIq mu'tlhegh cha'DIch; chaq <vISaHbe'bej> DaghItlhlaH.
><<naDevvo' bIjaHbe'chugh vaj qaHoH! choyaj'a'?>> ghaHvaD vIjatlh
><<jupwI' targh DaHoHlaHchugh vaj qavoqlaHbe'!>>
maj...
><<toH>> jatlh jupqoqwI' <<ghoS jajvam 'e' reH vISov.
>targhoymo' SoHvo' chojaHmoH.>>
qatlh <ghoS> Dalo'? <qaS> vImaSqu'. <reH 'e' vISov> DaghItlhnIS je.
><<ghobe', jupqoq>> vIjatlh <<Dochvam DaHarbe' 'ach rut jIval.
nuqjatlh? <DaHarbe'> 'ach <jIval>? jImISqa'.
>batlhqoqlIjmo' chotojtaH. boQlIj ghajnIspu'DI' vavwI' DaQaHpu'be'qu'.
<ghajnISpu'DI'> vIyajchu'be'. "After he needed it"? 'utbe'law' <-pu'>.
>choQaHpu'mo' qaHoHbe'. DaH yIjaH!>>
maj. Qagh ram vItu'.
mu'tlhegh puS vIyajchu'be'law', 'ach DIvI' Hol mu'meylIj vIghajbe'mo',
bIH vIlughmoHlaHbe'.
jIH choyajbe'chugh SoH, HIja'. If *you* don't understand *me*, tell me.
-- ghunchu'wI' batlh Suvchugh vaj batlh SovchoH vaj