tlhIngan-Hol Archive: Tue May 02 09:23:05 1995
[Date Prev][Date Next][Thread Prev][Thread Next]
DISwIj wa'DIch
wejmaH Soch ben *'arubaDaq jIbogh.
puH Sep 'oH *'aruba'e' 'a Dech bIQ.
*qarIb bIQ'a'Daq 'oH *'aruba'e'.
tIqbe' *'aruba - wa' Dopvo' latlhDaq wa'maH jav qelI'qam neH 'oH
'ej lurgh latlhvaD 'oH vagh'e'.
vatlh law' ben *'arubanganpu' wa'DIch chaH *'arawaqpu''e'.
bIQ ghor lulengbogh Dujmey chenmoHmeH Sormey lo' *'arawaqpu'.
bIQ'a'Daq Ha'DIbaHmey wamtaH chaH. wIjwI'pu' chaHtaH je.
rut *'aruba luHIv *qarIbpu' vaj HubchuqnIS *'arawaqpu'.
'ach SuvwI'pu' chaHbe'chu' *'arawakpu''e'.
vatlh puS ben *'aruba luyotta' bIQ'a' Dop Hopvo' chaHbogh novpu''e'.
*'arawaqpu' taymoHmeH may'Dujmey tInqu'Daq ghoSta' yotwI'pu'.
roj luneHbogh *'arawaq law' HoHta' taymoHwI'pu'qoq.
QIt *'arubaDaq chegh roj.
DaHjaj Hatlh tlhab 'oHbe' *'aruba'e'; yotwI'pu'vetlh mId 'oH.
DaH *'aruba bIQHeHDaq ghIQ tera'ngan law'.
pa' SuDlu'meH Daq law' tu'lu'bej; law' tachmey je.
'ach juHHatlhwIj 'oHbe' *'aruba'e'.
yIn cha' DIS vIghajpa' *'aruba wItlheD SoSwI' vavwI' jIH je.
*qanaDa' wIjaH; 'ach latlh 'oH lutvam'e'.
lutvamvaD <bIQHeH> vIchenmoH.
puH ghomDI' bIQ Sep chIm vIHech.
mu' bonaD 'e' vItul 'ej lut yItIvjaj.
Brad