tlhIngan-Hol Archive: Wed Dec 20 10:14:26 1995
[Date Prev][Date Next][Thread Prev][Thread Next]
Open Response to ghuy'Do
- From: Will Martin <[email protected]>
- Subject: Open Response to ghuy'Do
- Date: Wed, 20 Dec 1995 13:14:29 -0500
- Encoding: 16 TEXT
ghuy'Do,
jabbI'IDlIj vIlaD vIneH 'ach vulqangan DaDataH. mu'mey law'qu' Dalo' 'ej
qechmey law'qu' Dangach. muDoy'moH. poH yap vIghajbe'. qaparHa'qu' 'ach
jabbI'IDlIj vIlaDchugh Qatlhqu' Qu'. latlh jabbI'ID vIwIvchoH vIneHchoH.
muHoHbe' Doch 'ej Dochvam vISoplaHbe' 'ej Dochvam vISuvlaHbe' 'ej SajwIj
'oHlaHbe' 'ej manga'chuqlaHbe' Dochvam jIH je, vaj yInchugh jISaHbe'.
*philosophy* ghajbe' tlhIngan mu'ghom. QaQ meq. chaq yIn tera'ngan Dujpu',
'ach ghoS neH tlhIngan Dujmey. chaq nIn Sop tera'ngan Dujpu', 'ach nIn lo'
neH tlhIngan Dujmey.
wejpuH.
charghwI'