tlhIngan-Hol Archive: Fri Feb 17 13:47:06 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh loSmaH wej: <qab 'ang> - Today featuring an English translation.
On Thu, Feb 2, 2012 at 5:42 PM, Qov <[email protected]> wrote:
> 'oy' DachchoHghach tIvtaHvIS 'eSSIm rI' Mahoun.
varSajIy HoD qImmoHba'ta' 'eSSIm.
> ghogh QumwI' neH lo'mo',
> Mahoun qab leghlaHbe' 'ach QeHba'. jatlh, "nuq DaneH? qamawpu'chugh jIngoy'
> jIH 'ej jIHvaD yIjatlh. bong vIta' 'ach jIHvaD nImuSnISmoH tIghmeylIj vaj
> yIruch! nItIchbe'pu' beqpu'wI'. tIghIjQo' 'ej tIbuQQo'. junuQqa'be'chugh
> pInuQqa'be' maH. choyajlaH'a'?"
jIloy'DI' jIlugh. buQtaH qa'meH vIttlhegh 'e' luQub.
> jatlh 'eSSIm, "nach qablIj Da'angvIptaHvIS chobuQ 'e' DangIl'a'?"
<nach qab> jatlh. Huj. <qam> jatlhpu' net Qub neHbe'ba'.
> jatlh Mahoun, "HIpumQo'. tep choQDaq jIHtaHmo' naDev HaSta tu'lu'be'.
> qabuQbe'lI'. qaqunqu'lI'. qabwIj DaleghnIS beqpu'wI' Davuvpa' vaj vI'ang.
moHaq chIlpu''a' <DaleghnIS>?
> pa'wIj vIghoSlI'." moDtaHvIS Mahoun tlhuH 'e' QoylaH 'eSSIm. HaStaDaq nargh
> Mahoun qab QeH. beq HubmeH qu'laHmo' pujwI' vuvchoH 'eSSIm.
(pujbe'. jaS HoS neH.)
> pay' choH Mahoun
> qab. jatlh, "QunwI'! 'eSSIm! mInlIjvaD qaS nuq?"
chay'? vay' vItu'be'pu'? qen 'eSSIm mIn Dellu' 'e' vIqawbe'.
> mIS 'eSSIm. "nuq?" jatlh. legh'eghlaHmeH HaSta lISDI' Seng legh. Doqqu' ghaH
> poS mIn. qevpobDaq Huy bIngDaq je 'Iw 'IqnaH je' lutu'lu'. jorpu'law' mInDaj
> 'ach leghlaHchu'taH.
ghuy'cha'! jorba'pu' wuQmoHwI''e'.
> wuQqu'pu'mo' qaSDI' tu'be'pu'. motlhbe'bej ghu'. 'eSSIm
> bItqu'moH 'ach novvaD chIDqangbe'mo' jatlh "vIlegh. qay'be'. ramqu'."
> Harlaw' Mahoun.
Har'eghbe' 'eSSIm'e' 'e' vItul. nuDnIS Qel.
> jatlh Mahoun, "<'Iw vo' mInDaj> jatlhDI' chIjwI'wI' lachbe'. DaghIjchu'pu'.
chIjwI' jachmoHbogh meq'e' DaH wISov.
> nuHIv tlhIngan yo' qatlh 'e' DabuQ?" SaghtaH Mahoun 'ach DaH jottaH.
HIv yo', chay' 'e' yajHa'?
> jatlh 'eSSIm, "SabuQbe'pu'. qajatlhmeH vIrI'. tlhIngan Hajlaw' neH. "
>
> navHom woH Mahoun.
navDaq QIn qonlu'. cham lulo', jaS 'e' luwuq.
> jatlh "QInlIj'e' vIlaDlI': <tugh nIghobtaH negh qu'>. jIH
> mughIj. jubuQbe'chugh vaj ... jughuHmoH'a'?" Saghqu'choH Mahoun.
ghaytan tugh tlhaQ ghu' 'ach DaH HaghtaH pagh.
> Qub 'eSSIm. pay' ghu' tlhoj. jatlh "mughHa'! <reH Suvrup SuvwI''a'> jIjatlh.
> qa'meH vIttlhegh 'oH. qechvetlh Dayaj'a', bangwI'?" yajlaH Mahoun 'e'
> tulqu'.
yajchugh, leSlaH Hoch.
> qu'be'choH Mahoun. jatlh "HIja'. qa'meH vIttlheghmey vIyaj." Doy'law 'ej
> 'IQlaw'. qa'meH vIttlhegh lajpu' 'e' noHlaHbe' 'eSSIm.
chuHjaj maHun.
> jatlhqa' Mahoun,
> "'eSSIm, tlhIngan quvlIj vIHonbe', 'ach ... choghIjchu'pu'. DaH jInajtaHvIS
> muDechqa'taH tlhIngan mIgh." DaH pujtaH 'e' mIylaw'mo' mIS 'eSSIm. moghmoH
> tIgh nov!
(pujtaHbe'. jaS HoStaH neH.)
> jatlh Mahoun, "bI'IH. choSeymoH 'ej chopIlmoH 'ach choHoHta' 'e'
> DanID jay'. chaq HoHchuq tlhInganpu' 'e' lulIjlaH
vay' HoHlu'chugh, qawbe'bej.
> 'ach nughwIjvaD yapbe' wa'
> vIttlhegh nap. mapImchu'. reH tIghmeylIj'e' vIpabnISchugh 'ej vIyajnISchugh
> ghu' vItIvlaHbe'. lugh yaSpu'wI'. tlhoy bIQob. matay'be'nIS. maHvaD qItbe'
> parma--" qagh'egh Mahoun 'ej choHchu' ghoghDaj. "chach wISIQtaH," jatlh 'ej
> jabbI'ID ghang.
Dor lut 'ay' 'ej qIjchoH HaSta.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol