tlhIngan-Hol Archive: Fri Feb 17 12:45:51 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh loSmaH cha': <quv qa'meH>
On Wed, Feb 1, 2012 at 10:07 PM, Qov <[email protected]> wrote:
> ghonDoq lel 'eSSIm.
maHun buQpu' nuHvam qar'a'? (jIH tlhopDaq ghonDoq'e' vIlegh'a'?)
> yanchu'meH lojmIt poSmoH 'ej Hur ghoS. QumwI' qem.
be'Hom motlh rur. rI' loDHom 'e' loSlaw'.
> Qamchu' 'ej muD DuQchoH. reDDaq DoS wIv 'ej DuQ. DIng'egh ghIq DoS DuQqa'.
> latlh ghopDaq ghonDoq 'uchchoH 'ej DuQqa'. yavDaq QotchoH ghIq SIbI' Hu' 'ej
> DuQqa'.
(DuvuSqu'be'ba' qonwI' qeS: "Write what you know.")
> qelI'qam bID 'abbogh He ghoS qetqu'taHvIS,
qaq'a' <bID qelI'qam>? 'ut'a' <'abbogh>?
> ghIq tlhe'egh 'ej qach
> ghoSmeH qetqu'taH. pawDI' DoS qIpqa'. 'oy'taHmo' vIlchoH ghIch
vIparHa'! (jIqIDnIS: beyjorngan moj'a'?)
> 'ej wuS
> pepmo' Ho'Du' 'ang. DoS 'eS wIv 'ej qeqqa'. lubejtaH 'op Sungpu' 'e' Sov
> 'ach SaHbe'. qeqtaHvIS 'eSSIm pIj lubej 'ach not chol.
QoblaH qeqtaHbogh tlhInganna' 'e' luQubmo' luqaghQo'. QIpbe'.
> maghwI' ghaHmo'
> 'eSSIm vav, QI' muv 'eSSIm net tuch, 'ach SuvwI' laHmey qeqtaH. chaq wa' jaj
> Qang toDmo' 'eSSIm naD yejquv. chaq Heghbe'pu' vavDaj 'ej wa' jaj chegh 'ej
> tay'taHvIS tlhIngan jaghpu' HoH.
('ej chaq puv targhmey.)
> puq qechmeyvetlh Dogh qIlmeH Suvqu' 'eSSIm.
> qet 'ej ghonDoq yan 'ej ray' qIptaH.
>
> tlhuch'eghpu'DI' qachDaj 'elqa'. nachDajDaq vavDaj qab Hem legh neH, 'ach
> qabDaj qawlaHbe'.
maj, nom <neH>vam vIyajchu'.
> 'IQmoH. vav mIllogh polbe'pu'. pIj tlhIngan DujDaq raQpo'
> 'aH nuD Hung. maghwI' mIllogh qengchugh rewbe' pIHqu'. vav HIp, rolDaj je
> qawlaH 'ach qab qaw 'e' nIDDI' ... pagh legh. cheghchugh ghovbe'. "Heghpu'!
> not chegh!" ja''egh 'eSSIm nen 'ach tultaH be'Hom. ravDaq QotchoH 'ej nach
> 'uch. vav qab ngaSbe' 'ach 'oHDaq ghoSlaw'taH tep lupwI' mIr.[121]
chay' nachDaq ghoS mIr? DIrDaq vIH'a'? wa' qogh 'el'a' 'ej latlh 'elHa''a'?
toH, <lupwI' mIr> vIghovbe'pu'. <tep lupwI'> vIbuS, 'ej tep weghbogh
mIr vIleghlaw'.
> Dargh wIb tlhutlhpu'DI' Dub.
Hoch vor. qatlh tlhutlhpa' mIm? Qubchu'be' wuQwI'.
> ngugh wa'leS[123] wej jangpu' maHun.
taQ <ngugh wa'leS>. tam <jaj veb> 'e' vIchup.
> jangpu' 'e' pIH 'eSSIm. qa'meH
> vIttlhegh lajchugh wanI' buSHa' 'ej lengDaj DellaH. lajHa'chugh vaj QeH pagh
> tIch 'ach jangnIS. lumbe'nIS.
qa'meH vIttlhegh jatlhta' 'eSSIm 'e' yajbe'chugh maHun, ghaytan mu'mey
neH Hev. buQbej mu'meyvetlh.
> boHchoH 'eSSIm. QubchoH. qa'meH vIttlhegh
> lo'pu''a' Mahoun? qawlaHbe'. puj HIch lo'pu'mo' tlhIjqu'pu' 'ej qoy'pu'.
> chaq qa'meH vIttlhegh qech Sovbe'. chaq yajbe' neH.
toH, meqlaHqu' 'eSSIm. maj.
> varSajIy rI'qa'. jang be' rap. mughwI' chu'meH be' loS 'eSSIm 'ach 'eSSIm
> bejtaH neH be'. 'eSSIm leghvIplaw'. boHchoH 'eSSIm. jatlh "yIchu'!"
(Gesundheit.)
> 'ej leQ
> chu'wI' Da. jach be' 'ej jabbI'ID van. QIpwI'! moghchu' 'eSSIm 'ach pay'
> wuQbe'choH.
DoS chu' Suqlaw'pu' QeHDaj.
> [121] Me: "bangwI', if a Klingon had a bad headache, what metaphor do you
> think she'd use?"
> Him: "I guess you don't know the Klingon for freight train, do you?"
> Me: "Well, actually ..."
>
> Apparently it's from a song.
o/` ...'o 'o 'o jImeQtaH... o/`
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol