tlhIngan-Hol Archive: Fri Feb 17 18:49:52 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh vaghmaH Soch: <DeS Suv>
Essim told Mahoun to follow her outside.
157
yotlh lughoSta'. Qamqu' 'eSSIm 'ej loS. QamDI' Mahoun, loD qam Daq
qarmoH 'eSSIm. loQ qIvDaj SIHmoH. yavDaq rarnISchu' SuvwI'. yajchoH
Mahoun 'ej tonSaw' nap ghojchoHmoH 'eSSIm. laH chov. pumchoHmoHDI',
jatlh Mahoun."yIloS." QumwI'Daj lel 'ej vay'vaD jatlh. QumwI'
lelHa'DI', jatlh, "HungpInwI'vaD jIjatlhpu', maSuv 'e' wIqeq."[147]
HIvqa' 'eSSIm. pumlaH Mahoun. qIpDI' nuH qengbe'bogh nuv'e' loQ
Hub'eghlaH 'ach jonlu'pu'DI' narghqu'laHbe'. narghmeH mIw nap cha'
'eSSIm 'ej qeqmeH Mahoun jonqa'.
Mahoun 'emDaq QamtaH 'eSSIm, 'uchtaHvIS wa' DeS. Mahoun poS DeS
bejqu'. 'uchmeH mIwvam lo'chugh SuvwI', ghaytan ghol Hugh SIj, pagh
mIn DuQ. DaSDajDaq taj jej ghajtaHbogh SIchlaHbej 'eSSIm latlh ghop.
Mahoun Hugh SIj neHbe'. 'a DeSDaj pe'laH 'ej De' 'aplo' teqlaH,
HoDchaj lujolpa' yaSpu'. noghtaH Mahoun. narghmeH, 'eSSIm yeb
tlhe'moH 'e' nID 'ach qarchu'be'mo' DoS 'ej SenHa'taHmo', Qapbe'lI
mIw. wej DaS ghoSta' 'eSSIm ghop. 'eSSIm poS DeS QortaHvIS Mahoun,
'eSSIm nIH DeS vaytaH 'eSSIm yab.[148] QIn neHqu'. Mahoun QIH neHbe'.
Qorgh neH. vaj Mahoun potlh law' vav QIn potlh puS 'e' Har'a'?
ghobe', 'ach QIn SuqmeH 'eSSIm, Mahoun voqHa'qa'moHchugh, lI'be'chugh
QIn, ratlh pagh. SaHbogh vay' 'ej vupbe'bogh neH 'eSSIm. maghwI'
puqbe' ghaHtaHmo' vup qorDu'Daj. yIn qeltaHvIS 'eSSIm QeychoH
SomrawDu'Daj. pupchoH Mahoun. tlhup. jatlh, "chovoQlI'! 'eSSIm!"
chuSchoH Mahoun QumwI'.
Mahoun tlhabmoH. pagh jatlh. bej 'eSSIm, QumwI'vaD yel Hol
jatlhtaHvIS. chay' ponlaH? tIghmeyDaj buSta'chugh, chaq ponmeH mu'mey
qar Sov. QumwI' SoQmoHpu' mon Mahoun 'ej jatlh, "choHIvbe'bej 'e'
lu'ol yaSpu'wI'. <ghoSujtaHQo'> jIjatlhpu'. yIruchqa'."
Suv'eghrupchoHmoH Mahoun. 'eSSIm voqmo' Mahoun, voq'eghlaHbe'taHvIS
'eSSIm, DuQ.
jatlh 'eSSIm, "chaloy, lugh chaH. tlhoy jIQob. tlhoS qaQID. vavwI'
Hegh bopmo' De' DaSo'bogh jIqImlaHbe'."
----
SKI: Essim can easily defeat Mahoun but barely achieves victory over herself.
----
[147] Like they're going to believe that. The HungpIn probably thinks
that's hilarious.
[148] Now accepting notes on whether verbs of fighting require both
opponents to be subject {ghobchuq loDnI'pu'} are flexible or whether
it's on a per verb basis. I'd have to get off the couch to check out the canon.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol