tlhIngan-Hol Archive: Fri Feb 03 17:45:01 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh loSmaH loS: <mIwmey motlh>
Mahoun told Essim that it was impossible for them to be together,
then said he had an emergency and terminated his transmission.
---
144
quvDaj choqmeH, Mahoun rI'pu' 'eSSIm, 'ach chach SIQtaHmo' Mahoun 'ej
'eSSIm lajHa'ta'mo', Mahoun SaHqu' DaH 'e' tlhoj. tlhIngan tuqmey
SaHbe'mo' nov, tay'laHtaH 'e' tul 'ach Do'Ha' qaSbe'taH. Mahoun wIv vuv.
HaStaDaq jabbI'ID labpu'bogh bejqa'lI' 'eSSIm. Hujqu' qabDaj.
chIjwI'vaD jatlhtaHvIS rorqu'choH mInDaj Dung. 'eSSIm qab qu'qu'moH.
jatlhtaHvIS pay' jorlaw' mIn. mInvo' ghaypu' 'Iw 'IqnaH je. bejtaHvIS
chIjwI' bey yajlaH. SIbI' choH tu'be'pu' 'ach jorpu'DI'
wuQbe'choHpu'. Qapchu' mInDu'Daj, 'ach Hujbej wanI'. qab Say'moHmeH
ghop lo' 'eSSIm. nIjtaHbe'.
bej'eghtaHvIS 'eSSIm, rI' may'Duj *veS*. ghIH 'eSSIm qab 'e' SaHbe'
Sogh. jatlh "yuQlIj wIbavchoHta'. nuqDaq luchlIj wIQol DaneH?" Quv
ja' 'eSSIm. ja' Sogh, "DaHjaj Du' qachlIj chu' mutlhmeH, Qol cha'
negh 'ej DunuDmeH Qol je Qel." motlh mIw. jInmolDaj DIlmo' QI',
luchDaj luqem 'ej 'eSSIm Qorgh QI' Qel.
pawpa' luch paw Qel. raSDaq ba'choH 'eSSIm HotlhtaHvIS Qel. ja'pu'pa'
'eSSIm mIn Seng tu' Qel. jatlh, "bIwuQtaH'a'?" 'oy', wanI' Huj je
chID 'eSSIm. "pIj lam DatlhuH'a'?" jatlh Qel. tIr chach Del 'eSSIm,
'ach qaSmoHwI' taDwI' je perbe'.
yaj Qel 'ej ghu' Del. tlhIngan nach HomDaq ghIch teSDu' je rarmoH muD
'ochHomDu'. 'eSSIm 'ochHomDu' lungejqu'lu'. jatlh Qel, "nachlIjDaq
ratlhlaw'mo' tIr lam 'ochHomDu'lIjDaq cheplaH yaghmey. yaghmey 'ommeH
porghlIj, 'IqnaH lIng 'ej 'IqchoHDI' jor. mInlIj Hom gho
veghpu'.[128] ngejlu'taHchugh qaSqa'. DuwuQqu'moH 'ej teSDu'lIj
QIHlaH." HerghwI' lo' Qel. jatlh, "wa'les qaSuchqa'. chaq qaHaqnIS."
Sengvetlh lIjlu'chugh pIvchu' 'eSSIm.
mejpu'DI' Qel, luch, Soj, cha' loDpu' je jol may'Duj. qach chu' Daq
cha'pu'DI' 'eSSIm, 'ay'mey laghHa'choH negh. Qup chaH. tujmo' muD
Dotlh, yIvbeHmeychaj teq 'ej jul bIngDaq vumtaHvIS yIQchoHDI' DIrDaj,
wew SomrawDaj. qaStaHvIS wa'maH jav jarmey tlhIngan loD leghbe'taH
'eSSIm. QaS bejtaH 'e' tIv. chaHvaD wornagh bIr qem 'ej qach chu'
nuDchoH. 'eSSIm luqIHbe'pu' loDpu' 'ej qorDu'Daj quvHa'ghach
Sovbe'chu'. Ho'taHbogh be' neH lulegh, 'ej tuj 'eSSIm 'Iw. rI'qa'DI'
Mahoun Qoybe' 'eSSIm.
----
SKI: The battleship brings Essim medical care, supplies, and hot male
construction workers.
----
[128] In humans I have found sinus infection pressure release
documented occuring through the eardrum, rupturing it, and right
through the skin of the face, but one hearing-impaired Klingon per
story is more than enough. Today, Klingon sinuses are near enough to
the orbit to vent around the eyeball. Sometimes I feel like I should
apologize for making stuff up, but it's a story: I'm supposed to make
stuff up, right?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol