tlhIngan-Hol Archive: Thu Feb 16 21:12:18 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh loSmaH wa'
On Tue, Jan 31, 2012 at 5:22 PM, Qov <[email protected]> wrote:
> nuH 'uchbe'taHvIS jup'e' 'ej qoy'taHvIS HoH 'eSSIm 'e' nID.
nuH Hutlhbogh nuv'e' HoHchugh, quv chavbe'bej.
> lI'laH QeH 'ach
> SeHnIS SuvwI'. SeH QeH 'e' chaw'pu'mo' 'eSSIm, tuH.
tejvaD lI'be'laH QeH.
> SochHu' MahounDaq
> ghonDoqDaj yanpu'. SIbI' mejpu' varSajIy. boQDaj Sam 'eSSIm.
nuv ghaHbe' boQ 'e' vIqapmo' jItuH. Qaghvammo' ghaytan not vIt vIlIj.
> jatlh, "ghorgh
> chegh yelwIyyItngan Suypu' 'e' luHech?"
>
> jatlh boQ, "naDev cheghbe'."
naDevDaj mach law' yuQ mach puS 'e' vIloy, boQ mu'tlhegh veb vIlaDDI'.
> ghIjchu'pu'mo' not chegh. tlhIngan mu'qaD jatlh 'eSSIm. yajbe' boQ 'ach QeH
> tlhIngan 'e' yaj. DoH 'ej jatlh "Sepvam tIr luje'laHbe'mo' Sep pIm
> luSuchlI'. tIr law' luje'qa' net jatlh."
tIr luje'bogh novpu' lunge'chu'mo', tIr 'Iq lIngpu' wIjwI'pu' 'e'
vItul. cheptaHvIS je'wI'pu' ghung lIngwI'pu' vIneHbe'.
> latlh Sep'e'? vaj yuQvamDaq cheghpu''a'? jatlh "Sep yIngu'!"
>
> jatlh boQ, "vISovbe'. naDev chaHbe'mo' vaj latlh SepDaq chaHnIStaH."
wa' Daq 'oHbe'chugh, latlh 'oH. QaHqoqvam Dogh ja'bej'a' boQ? valbe'law'.
> va. SaH pagh SaHbe'?
SaH chaloyDaj 'e' vISovbe', 'ach chaloyDaj SaH 'e' vIHonbe'.
> chaq law' yuQmey 'e' yajchu'be'mo' boQ, pagh Sung Hol
> yajchu'be'mo' 'eSSIm yajHa'chuq.
boQ vIchovtaHvIS pungvam vI'angbe'pu' 'e' vIpay.
> qachDajDaq chegh 'eSSIm. QumwI' HaSta chu'
> 'ej maHun Duj rI' 'e' nID. jang yaS HIp tuQbogh be''e'. SaH! jatlh 'eSSIm,
> "maHun vIjatlh vIneH."
(The variant spelling of some names usually doesn't bother me, but
this one caught me by surprise. I don't remember seeing it as anything
other than Mahoun for quite some time.)
> yay'law' be'. yev. bIng bej ghIq jatlh, "jItlhIj. tlhIngan Hol vIjatlhbe'.
> DaH mughwI' vIchu'ta'mo' qayajlaH. yIja'qa'."
>
> jatlhqa' 'eSSIm, "maHun vIjatlh vIneH."
>
> taD HaSta. taDHa'choHDI' bItlaw' be'. law' mu'meyDaj 'ach mughDI' 'eSSIm
> QumwI' wa' mu' neH jatlh, "DujatlhQo'."[122]
De' tunmoH be' 'e' nIDlaw'. qech qolqoS ngu'ba' mughwI'.
> yaj 'eSSIm. batlhHa' vangpu'mo' 'eSSIm buSHa' Mahoun. jatlh "ghaHvaD QIn
> yIqon. yIqonchu'. potlh. Daqonrup'a'?"
(I wonder if there's an idiomatic use of {DaqonbeH'a'} meaning
something akin to "Do you have pencil and paper?")
> "HIja'," jatlh be'.
>
> ba'qu' 'eSSIm. HaSta bejqu'. jaq qab 'ej HoS ghogh jatlhtaHvIS. jatlh "reH
> Suvrup SuvwI''a'."
mu'tlheghvam ghovbe'chugh varSajIy be', ghaytan mISqu'.
> qa'meH vIttlheghmo' QaghDaj tlhojpu' 'eSSIm 'e' yajDI'
> Mahoun jatlhqangchoH 'e' tul. jabbI'ID van.
ghovbe' maHun tlhoS 'e' vISIv, 'ach jum SovDaj.
> wuQbe'choHmoHmeH mI'choH 'eSSIm.
(ghaHvaD bIQ yItlhutlhmoH.)
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol