tlhIngan-Hol Archive: Mon Feb 13 19:17:52 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH chorgh: <parmaqqay>
On Wed, Jan 25, 2012 at 12:55 AM, Qov <[email protected]> wrote:
> "HIja', 'a tlhoS vIqoplu'!" jatlh vajar. romuluSngan HIq qangpu'bogh qImyal
> tlhutlhbe'chu' pay' 'e' tlhoj.
<HIq Hat vIHotpu', 'a vIghupbe'.>
> jatlh "HIq vIpoQ." HIq SuqmeH Hu' ghutar.
reH batlh vangrup ghutar. 'Il quvDaj 'e' 'ang. 'op ghojwI' vIDevbogh rur.
> bItlaw' Hota'ro'. ghaHvaD jatlh vajar, "DaHjaj lI' qeSlIj. HI'Ij:
> SopwI'pa'Daq jIneppu'. wa'Hu' matlhutlhchoHpa' chIch qanum. Daqotlh. motlh
> yaS ngoy'nIStaHghach yajbe' QupwI'. nIroSHa'moHtaHDI' wIvmey Qatlh, yaS
> tlhIbHa' SoH."
mumISmoH mu'tlheghvam Qav. chaq tlhoy HoSghaj <roSHa'moH>. vIHlaHbe'
'e' Del qar'a'? jImughta'DI' 'ej DIvI' Hol mu'tlhegh vIqelDI', qech
vIghovlaw'. wot pIm vIwIv: <nIvoQtaHDI' wIvmey>. tlhuHlaHtaH, 'ach
purmeH vumqu'nIS. qechvam yajchu' Hota'ro'.
> QoylaHmeH vajar cholqu' Hota'ro'. jatlh, "yaS pov jIH vIneH. Qatlh HoD Qu'
> 'e' vIlegh. qaboQqang 'ej qaHubqang."
be'vam Huj San vISaHchoH.
> jatlh vajar, "DupIH qImyal Sa'. 'a qavoq."
Hoch'e' pIH jay'.
> Hem Hota'ro' 'ach vay' leghmo' jangbe'. raSchaj ghoSlI' jonwI' HIp
> tuQtaHbogh be' Quch'e'. qaH'eng ghaHlaw'. vajar juS 'ej Hota'ro' chol. paw'
> be'pu'. HotchuqtaHvIS QuchDu'chaj yev. Hotchuq je ghIchDu'chaj. "bangwI',"
> jatlh qaH'eng. Hota'ro' qab yach. 'uchchuq be'pu' ghIq jatlh Hota'ro'.
> "vajar HoD, parmaqqaywI' DaqIHlaw'pu'. qaH'eng vIlIH."
>
> "vajar HoD," jatlh qaH'eng.
>
> "yIvbeHvetlh Dunojta' parmaqqaylI'," jatlh vajar. tlhojbe'pu'mo' Hagh.
loQ jIHagh je jIH 'ach jImonqu'mo' Doghqu'wI' vIrur.
> jatlh Hota'ro'. "yIlegh. naDev muDuQchu'pu' taj QIn." cha'meH ngechDaj
> lupoSmoH nItlhDu'Daj.
>
> leghlaH vajar. "Doj," jatlh.
(Doj nuq? pIvchoH DIr DuQlu'pu'bogh 'e' naD'a'?)
> chegh ghutar, HIq bal, HIvje'mey je qengtaHvIS. "qaH'eng!" jatlh.
latlh nuvvaD yap'a' HIvje' qengpu'bogh?
> ropyaHDaq
> Sogh qIHpu', Hota'ro' SuchtaHvIS. jatlh ghutar, "Dujmaj DaparHa''a'?"
>
> HIvje' laj qaH'eng 'ej jatlh, "Dujvetlh luleHtaH'a' leghlaHbe'bogh
> romuluSnganpu'?"
be'nalwI'vaD vImugh. Hagh ghaH.
> mon vajar, jatlh. "wa'logh," 'ach QIjbe'mo' qID 'e' luHar latlhpu'. HIq
> lutlhutlh.
(luHarDI', lugh'a'? ramchugh lut De'Hom, vImerlu'.)
> jatlh qaH'eng, "DujvetlhvaD 'Iqmo' Seng, wIHIjvIp. 'umbe'law' jonwI' 'ej
> buDqu'law' nubwI'Daj. Qop HochHom 'ej 'op 'ay'mey chu' vIngu'laHbe'. jagh
> Duj puylu'bogh boteq'a'?" qaSpu' 'e' chIDbe' vajar. jatlh qaH'eng "bIQSIp
> 'och tI'meH vay' mep Hum, choljaHmey je lo' jay'!"
(ngo'taHvIS logh Duj, raghchoHbej. pIj raSya' tengchaH <roj>
ghorlu'taH, polHa'lu'pa'. 'oHDaq Dat mep Hum tu'lu'.)
> jatlh ghutar. "wa'logh SeHlaw tI'meH mavjopmey lo' ghIrel 'e' vIbej."
>
> "SeHlawvetlh yIngu'!" jatlh vajar.
>
> "ngo'mo' Duj Hoch DInuD," jatlh qaH'eng. "ghorgh chen'a'?"
<ghorgh> ghelchugh, <-'a'> yIchelQo'.
> jatlh vajar, "wa'maH chorgh ben. ngo'qu'be'."
DujDaj ngo' law' 'op negh qan puS. Ewww, that doesn't work at all. I
can't call a ship {qan} without laughing, and I can't call a soldier
{ngo'} without wincing.
Speaking of {qan}, here's a thought that struck me this morning. When
one person points a pinky finger at another, who is the {qanwI'}?
> If anyone wants to write either of the stories that vajar didn't tell here,
> please do so with my blessing. Tomorrow is the last 'ay' in 'ay''a' Soch.
> It's been kind of a long 'ay''a'. There will be a short break before I start
> sending 'ay''a' chorgh.
vIlaDpa' jImImmo' lenvetlh vItu'be'.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol