tlhIngan-Hol Archive: Mon Feb 13 17:07:21 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh vaghmaH wej: <maghwI' QIn>
The doctor just told Essim that her father gave him something before he died.
153
jatlh Qugh. "maghwI' ghaH net Sovpa', tlhIngan yejquv DevwI'vaD[136]
QIn pegh vIngeH 'e' qoy'. HevnIS Qa'bar DevwI'.[140] QumwI' beq
voqlaHbe' 'e' qap. pagh voq. QIjQo'. jatlh <SIbI' DangeHlaHchugh negh
DatoD 'ach bIloSnISchugh yIngeHbej. wo' DatoD>. reH Dughlaw'
loDvetlh. qar. 'urmangDaj vIpIHbe'chu'mo' vIvoq. QIn vIlaj. De'
'aplo' machqu' 'oH. 'aplo' mach law' qanwI'lIj nItlhpach mach rap.
mep 'oH. ngugh SID De' qonmeH Hoqra'Daq De' 'aplo' Seghvetlh lo'lu'."[237]
qanwI'Daj nuDchoH 'eSSIm. De' 'aplo' Seghvetlh qaw. puq ghaHtaHvIS
QIn labDI' vavoy rurbogh De' 'aplo'Daq pol SoSoy. maghwI' ghaH 'e'
luSovchoHDI' Hoch Qaw'ta' 'eSSIm SoS.
jatlh Qel, "De' vISo'meH 'aplo'Daq SID per vIlan 'ej Qel Hoqra'wIjDaq
vIjom. ngugh cha'Hu' cha' 'avwI'pu'vetlh chotta'mo' qama',
maw'choHlaw'pu' Hung. SIDwI' veb vIghoStaHvIS muyu' 'ej luchwIj
lunuD. tarven De' vIpoltaHmo' jIbItchoH. De' 'aplo' luleghDI'--"
chegh Mahoun, bIQ ngaSbogh HIvje' tIn qengtaHvIS. SaQbe'law'pu'.
bejqu' 'eSSIm 'e' tu'DI' jatlh, "Dumaw'a' bIQwIj?"
jatlh 'eSSIm, "maja'chuqnIS Qugh jIH je. yImej."[138]
jatlh Qugh, "Qo'. yIratlh, Mahoun. Dubop." morghbe'DI' 'eSSIm ba'choH
Mahoun. jatlhtaH Qugh, "vaj may'DujDaq jIHtaH, Hoqra'wIj
vIqengtaHvIS, 'ej SID vIghoSlI' ..."
qagh 'eSSIm. jatlh "'ach Hoqra'Daq De' 'aplo' luleghDI' 'avwI'pu' ..."
jatlh Qel, "Hoqra' luleghpu'. lut yIqaghQo'. 'avwI'pa'Daq SIDwI'
vISuchlI'. mInDaj rIQbogh wanI''e' Delqangbe'chu'. mIn moQ tapta'
vay'.[139] 'oy'qu'ba' 'ej bong qaSbe' 'ach wanI' peghchu'. mIn
vItoDlaHbe'. mIn vIHotlhDI' bong De' 'aplo' mujDaq vIqon. De' 'aplo'
vItam ghIq qarwI' vIlo'.
"ghIq murI'ta' meH. ngaq DujDaq roplaw' qama'. *naQjej yoH*Daq
qama'pu' lutu'lu'be' 'e' vIHar. qama' ta vInejDI' vISam. DujvetlhDaq
wa' qama' weghlu'. nonchoH qama' DeSDu' jatlhpu' 'avwI'."
"jIHlaw'," jatlh Mahoun.
"SoHbej," jatlh Qugh. "Hoch qama' De' Hutlh ta. mut, mI' qoj
qonbe'lu'. Qo'noSDaq yejquv DevwI' Qa'barvaD qama' ngeHlu'lI'."
----
SKI: The doctor starts to tell Essim about the message, but Mahoun comes back.
---
[136] Thanks to the list members for input on how to say, "member of
the Klingon High Council."
[138] And then I realized that when you're dealing with Klingons,
direct makes the most sense.
[139] I googled "squashed eyeball" for some help on the pain and
prognosis, but I didn't dare click on any of the resulting links.
[140] I had already named yejquv DevwI' bar when I asked the list for
suggestions on how to say "Councilmember Foo." It did not occur to me
until I was about to promise that I would not actually name a
councillor "Foo" that I had already done the next closest. So
naturally to make it more Klingon I slapped a K-sound on the front.
[237] What are you picturing here for the De' 'aplo' and have you a
better description?
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol