tlhIngan-Hol Archive: Mon Feb 13 13:13:57 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh wejmaH Soch: <Dojlaw' quvDaj>
On Tue, Jan 24, 2012 at 11:03 AM, Qov <[email protected]> wrote:
> pe'vIl tlhuH Hota'ro' 'e' QoylaH HoD. qabDaj leghlaH vajar. tlhoS lImchoH
> Hota'ro'. mIrmey 'ompu'mo' yebDu'Daj pe'pu'. ghaHvaD jatlh vajar, "He
> yIghoStaH, Sogh."
yeb pe'bej'a'? chaq yeb QIDpu' neH, qoj reghtaH yebDu'.
> pa' 'el latlh nuv. jatlh, "naDev qaS nuq jay'? quvchaj tobmeH Sapta'.
> quvraj'e' yIqIm. SIbI' tIngaQHa'moH."
qubba' SapwI'. DuH ma'be' mIw motlh.
> Hota'ro' ngaQHa'moHtaHvIS be', wuS rIQ
> leghlaH vajar. cheghpu' la'. 'avwI'pu'vaD jatlh la', "qeylIS pongvaD pe'Ip.
> ghotpu'vamDaq vay' Hat, vay' nub ghap boSamta''a'?"
qeylIS pongbe'chugh, jaS 'Ip 'avwI'pu' 'e' Qub'a' la'?
> "ghobe', qaH," jatlh 'avwI'pu'. Sutmeychaj tatlh 'avwI'pu' 'ej tuQ'eghmoH
> beq. ghutar Hota'ro' je tlhabmoH 'avwI'pu' 'ach vajar lupol.
loQ ghu' vIyajHa'law'. vajar lutlhabmoHbe'mo', weghtaH mIrmey 'e'
vIQub. chaq <mejmoH> qaq law' <tlhabmoH> qaq puS. chaq nIv
mu'tlheghvam: <mej ghutar Hota'ro' je 'e' luchaw' 'avwI'pu' 'ach vajar
lumImmoH.> va, chay' <mIm> lo'lu'? <...vajar luratlhmoH.>
> jatlh la' 'ach <vajar HoD> neH Qoy vajar.
>
> jatlh vajar, "yIjatQo'. pe'vIl yIjatlh." lujlI' porgh 'e' chID SuvwI' neHbe'
> 'ach yu'wI' QoylaHbe'chugh Hub'eghlaHbe'.
>
> jatlh la', "DaH tach DaghoS DaneH, qar'a'?"
vIpIHpu'be'.
> vajar DorchoH la'. yIttaHvIS jatlh "HIvqa' veqlargh." *veS* HungvaD tlhIj
> 'e' yaj vajar.
lI'qu' qa'meH vIttlheghmey, 'Ilchugh jatlhwI'. nugh luberghHa'moHlaH.
> vay' jatlh la', 'ach Hoch Qoybe' vajar. "QeHqu' Sa'. yIyep, vajar HoD,"
> jatlh 'e' Qoy. Sal Hoch vajar pob.
chu'be' De'vam.
> qaSpu'DI' tup puS loQ Hagh la' 'ej jatlh, "bIvalqu'. rurbogh tamey qon
> tlhIngan HoD not 'e' vIlegh."
>
> jatlh vajar, "ngIvtaHvIS tlharghDuj pIj Dalqu' Qu'. poH natlhlaH QonoS."
'utlh jajmeyDaj DajmoHmeH Qu'Hom nej 'e' vIyajchu'.
> jatlh la', "Dalchu'be'. romuluSngan pu'jIn Dajonta'. romuluSngan Duj
> DatIjta'?"
>
> tepqengwI' ngo'vo' pu'jInvetlh tlhapta' vajar. jatlh "QI' peghmey
> vI'angQo'."
The Bird of Prey poster shows a {tepqengwI'} "cargo lift" on the cargo
deck. It's apparently a crane, not a ship.
> yaj la'. tachDaq lupawta'DI' jatlh, "be'tlhar 'oH pongwIj'e'. lInISchugh
> Hung, HIrI'."
>
> chuS tach. naDev DaqlaHbe' Hung. jonwI' nejtaHvIS vajar, ghutar ghogh Qoy,
> jatlh "vajar HoD! naDev!" raSDajDaq ba'taH je Hota'ro'. yebDu'Daj So'meH
> tochDu'Daq tlhay'meyDaj 'uchtaH Hota'ro' 'e' tu' vajar.
ghaytan tuH may'Daq QIDlu'be'mo'.
> ba'choH vajar. jatlh ghutar, "qepDaq quvmaj Datobta''a'?"
tlhIjta'mo' la', quvchaj Honbe'ba'.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol