tlhIngan-Hol Archive: Mon Feb 13 08:21:10 2012
[Date Prev][Date Next][Thread Prev][Thread Next]
Re: [Tlhingan-hol] Qagh vIHechbogh [was: Qaghmo' tIn mIS]
meqlIj vIparHa' 'ach loQ maQoch. Qo'noSDaq noychugh qa'vIn nIm je luDuDlu'bogh, wa' Doch 'oS «qa'vIn nIm je» chaq 'e' Qub tlhIngan jabwI'. 'ach noybe'chugh nay'vam, tlhIngan Hol DajatlhHa' neH 'e' Qub jabwI' 'e' vIHar.
'amerI'qa'Daq wa' nay' 'oS "macaroni and cheese", 'ach 'amerI'qa' tIgh ghovbe'bogh Suverya'nganvaD cha' mu'meyvam Dajatlhchugh, cha' Dochmey 'oS ghaytan 'e' Har.
"Makaronerna och osten var god!" bIjatlhchugh, ghaytan Suverya'ngamvam DamISmoH. chaq nom yajchoH, 'ach wa'DIch mIS.
[pupbe' chovnatlhvam, DochHommey law' 'oSmo' "makaronerna" DIp, vaj "god" wot Dalo'DI' reH bIpabHa', 'ach qechwIj Dayaj 'e' vIHar.]
«I want pea soup, pancakes and pork» qajatlhchugh, chay' luDuDlu' 'e' DaHar? bISovbej'a'? bISuDrup'a'?
________________________________________
From: De'vID jonpIn [[email protected]]
Sent: Monday, February 13, 2012 15:51
To: [email protected]
Subject: Re: [Tlhingan-hol] Qagh vIHechbogh [was: Qaghmo' tIn mIS]
loghaD:
> Now, to the discussion I originally intended to set up: Do you agree that my reasoning about «je» is - in principle, at least, if not in this particular situation - correct?
wa' buv tera'ngan chab luleghDI' tlhInganpu', {Ha'DIbaH ghIH tIr ngogh je} luper.
tera'Daq Do Qe' Such tlhIngan. tebwI'vaD jatlh: {qa'vIn nIm je tIqem. Ha'DIbaH ghIH tIr ngogh je tIqem je.}
loS Dochmey qem tebwI': wa' qa'vIn HIvje', wa' nIm HIvje', wa' 'ay' ghab HaHlu'pu'bogh, wa' tIr ngoghHom je.
Do Qe'vam Such latlh tlhIngan. tebwI'vaD jatlh: {qa'vIn nIm je yIqem. Ha'DIbaH ghIH tIr ngogh je yIqem je.}
cha' Dochmey qem tebwI': wa' qa'vIn nIm je luDuDlu'pu'bogh ngaSbogh HIvje''e', wa' Ha'DIbaH tIr ngogh je ngaSbogh tera'ngan chab'e' je.
Qaghbej lutlIj tera'ngan. {HIja'} jatlhDI' tlhIngan, ghelnIS tera'gan: {qa'vInlIjDaq nIm 'ar DaparHa'?} Sovbejbe' ghaytan loyDI' muj.
--
De'vID
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol