tlhIngan-Hol Archive: Fri Apr 20 13:02:41 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' javmaH vagh: QIn loSDIch
On Wed, Apr 18, 2012 at 11:57 PM, Qov <[email protected]> wrote:
> SopwI' pa'Daq vajar Dor 'avwI'. pa' lu'el je ghutar, Hota'ro' je.
> nay'meychaj luSuqta'DI' HoD muv.
naDev <muv> vIpar. <tlhej> vImaSbej. <tuj muvwI'> <muvmoH> je vIqel. I
think {muv} is a lot closer to "become part of" than to "sit at a
table with".
> ba'choHtaHvIS Hota'ro', 'ungya taj ret'aq
> legh vajar.
DaSDaq pol qar'a'?
> puqpu' ghajbe'mo' 'ungya, ghaytan Heghbat jeSwI'vaD tajmey nob
> qorDu', 'ach wej jangta' HoD 'utlh. nIQ luSoppu'DI' De'wI' pa' lughoS.
jabbI'ID Hevlu'DI', laDnISbogh nuv ja'be''a' QumpIn?
> SaH vagh QInmey,[115] labpu'be' 'ungya tennuS. *Dugh* loH bop cha'. De' chu'
> lu'angbe'. Dugh jonwI' chu' bop wejDIch. ja', Heghpu'mo' ghIrel tugh
> verghDaq paw jonwI' chu'. mIS vajar. wej toy'beHmo' Duj, wej jonwI' chu'
> SuqmeH tlhobpu'. ghIq HovpoH laD. ngo'qu' QIn. Heghpa' ghIrelHey lablu'pu'.
qatlh QInvam laDta'be'?
> DaH yajchoH. pong ngeb lo'pu' *Dugh* toy'bogh ghIrelqoq'e'. pawpa'
> ghIrelqoqvetlh Heghpu' ghIrel teH. ghIrel pong nIHta' jonwI'qoq. Hujqu'.
> qatlh jonwI' Da vay'?
(jeDchoH lut He.)
> QIn loSDIch laDchoH vajar. <logh may' pov> perlu'[190].
ngeHta' 'Iv? ramba', Dangu'be'mo', 'ej roD De' potlh Danopbe'.
> QIn wIvDI', SIbI' vIHbogh mIllogh cha'choH [259] QIn.
> [259] Since I wrote this we've started using <HaSta much> for "video" in the
> Facebook localization, but I'm not going to change the way I wrote it here.
Maybe it's just an animated GIF.
> *veS* meH Hung ta 'oH.
(leng De' qonwI' qIj tu'lu''a' je?)
> meH tlhopDaq qonwI' jomlu'ba'pu'mo' Hoch yaHmey luleghlu'. HoD quSDaq ba'taH
> qImyal Sa' 'ej Degh SeH loD ghovbe'bogh vajar. HaSta bIngDaq Duj pong,
> mIllogh qonwI' mI', qonwI' Daq, HovpoH je ghItlhlu'. chorgh wen qaSpu'.
Hung HaSta 'oHbej. nguv'a'?
> jatlh ghutar, "nuq Dabej, HoD? lab'a' HoDlI' 'utlh?"
taQqu' <HoDlI' 'utlh>. lugh'a' <HoD 'utlhlI'>?
> jatlh vajar, "ghobe'. may'Hey 'oH. mungeH vay' vIghovbe'bogh." may' tamey
> bej 'e' tIv vajar.[119] bejlI' je Hota'ro'.
motlh QapwI' ta bejlu', lujwI' ta choqlu'be'mo'.
> HaStaDaq tlhe' DeghwI' 'ej Sa'vaD jatlh. pagh QoylaHmo' vajar QoymoHwI' Hot.
> jatlh ghutar, "tam. wabmey qonbe'lu'law'pu'."
>
> HaStaDaq QeHchoHlaw' qImyal Sa'. jatlhtaHvIS DeSDu' joqmoH. joq je DeghwI'
> DeSDu'.
(jItlhIj. "badger badger badger" vIleghlaw'mo' neH jIHaghtaH.)
> ghoHtaHvIS, meH lu'el 'avwI' Hota'ro' je. nISwI' lel Sa'. DeghwI'Daq
> Qeq. wovqu' nISwI' tIH. pumDI' DeghwI', HaStaDaq, vajar retlhDaq je loQ Sup
> Hota'ro'.
Hota'ro'pu'?
> HaStaDaq Degh SeHchoH Hota'ro'. mI'bogh nItlhDu'Daj ghovbej vajar.
> wewtaH begh ghuHmoHwI': Qapbe'taH begh. yev Hota'ro' 'ej Sa'vaD tlhe''egh .
> jatlhchoH. DeghwI' wa'DIch rur. QuchHa'ba' Sa'. Hota'ro'vaD jachtaHvIS
> tlhepQe' vo'taH nuj net leghlaH. chol Sa', jeqqIj joqmoHtaHvIS. Hota'ro'
> DeSqIv mup. 'oy'ba' 'a lobtaHQo' Hota'ro'. wuSDu'Daj porghDaj je leghlu'DI'
> <Qo'> jatlhba'.
Duj may' oH'a'? pagh yaS may' oH'a'?
> [119] You know Klingon YouTube would be full of battle clips and Romulan
> heads exploding. My husband insists that it would be called bo'och.
tlhoy val.
The site with pictures of pancakes on variously-ridged forehads would be no'och.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol