tlhIngan-Hol Archive: Wed Apr 18 20:57:57 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' javmaH vagh: QIn loSDIch
vajar still isn't sure what be'tlhar's game is, as she jumped his
bones one day, then sparred with him while simultaneously loudly
insulting him and quietly giving him startling information.
-----
165: QIn loSDIch
SopwI' pa'Daq vajar Dor 'avwI'. pa' lu'el je ghutar, Hota'ro' je.
nay'meychaj luSuqta'DI' HoD muv. ba'choHtaHvIS Hota'ro', 'ungya taj
ret'aq legh vajar. puqpu' ghajbe'mo' 'ungya, ghaytan Heghbat
jeSwI'vaD tajmey nob qorDu', 'ach wej jangta' HoD 'utlh. nIQ
luSoppu'DI' De'wI' pa' lughoS.
SaH vagh QInmey,[115] labpu'be' 'ungya tennuS. *Dugh* loH bop cha'.
De' chu' lu'angbe'. Dugh jonwI' chu' bop wejDIch. ja', Heghpu'mo'
ghIrel tugh verghDaq paw jonwI' chu'. mIS vajar. wej toy'beHmo' Duj,
wej jonwI' chu' SuqmeH tlhobpu'. ghIq HovpoH laD. ngo'qu' QIn.
Heghpa' ghIrelHey lablu'pu'. DaH yajchoH. pong ngeb lo'pu' *Dugh*
toy'bogh ghIrelqoq'e'. pawpa' ghIrelqoqvetlh Heghpu' ghIrel teH.
ghIrel pong nIHta' jonwI'qoq. Hujqu'. qatlh jonwI' Da vay'?
QIn loSDIch laDchoH vajar. <logh may' pov> perlu'[190].
QIn wIvDI', SIbI' vIHbogh mIllogh cha'choH [259] QIn. *veS* meH Hung
ta 'oH. meH tlhopDaq qonwI' jomlu'ba'pu'mo' Hoch yaHmey luleghlu'.
HoD quSDaq ba'taH qImyal Sa' 'ej Degh SeH loD ghovbe'bogh vajar.
HaSta bIngDaq Duj pong, mIllogh qonwI' mI', qonwI' Daq, HovpoH je
ghItlhlu'. chorgh wen qaSpu'.
jatlh ghutar, "nuq Dabej, HoD? lab'a' HoDlI' 'utlh?"
jatlh vajar, "ghobe'. may'Hey 'oH. mungeH vay' vIghovbe'bogh." may'
tamey bej 'e' tIv vajar.[119] bejlI' je Hota'ro'.
HaStaDaq tlhe' DeghwI' 'ej Sa'vaD jatlh. pagh QoylaHmo' vajar
QoymoHwI' Hot. jatlh ghutar, "tam. wabmey qonbe'lu'law'pu'."
HaStaDaq QeHchoHlaw' qImyal Sa'. jatlhtaHvIS DeSDu' joqmoH. joq je
DeghwI' DeSDu'. ghoHtaHvIS, meH lu'el 'avwI' Hota'ro' je. nISwI' lel
Sa'. DeghwI'Daq Qeq. wovqu' nISwI' tIH. pumDI' DeghwI', HaStaDaq,
vajar retlhDaq je loQ Sup Hota'ro'. HaStaDaq Degh SeHchoH Hota'ro'.
mI'bogh nItlhDu'Daj ghovbej vajar. wewtaH begh ghuHmoHwI': Qapbe'taH
begh. yev Hota'ro' 'ej Sa'vaD tlhe''egh . jatlhchoH. DeghwI' wa'DIch
rur. QuchHa'ba' Sa'. Hota'ro'vaD jachtaHvIS tlhepQe' vo'taH nuj net
leghlaH. chol Sa', jeqqIj joqmoHtaHvIS. Hota'ro' DeSqIv mup. 'oy'ba'
'a lobtaHQo' Hota'ro'. wuSDu'Daj porghDaj je leghlu'DI' <Qo'> jatlhba'.
----
SKI: vajar checks his e-mail and watches a video of happenings on the
veS bridge, featuring his own Lieutenant Hota'ro' and General qImyal.
----
[115] Klingon Imperial e-mail clearly has some way of following
people around. In case you're wondering why the battleship could send
and receive messages where the scout couldn't, it's necessary to form
a warp field in order to access subspace frequencies.
[119] You know Klingon YouTube would be full of battle clips and
Romulan heads exploding. My husband insists that it would be called bo'och.
[190] It looks as though spammers and virus writers are dealt with so
harshly in the Klingon Empire that vajar doesn't receive any penis
enlargement spam, and considers it safe to open an attachment from a
stranger. Mind you he also has sex with a security officer who
developed an interest in him immediately after witnessing a strip
search, so maybe it's just that neither is a concern for him. No,
that doesn't make any sense. It's just a smartass remark.
[259] Since I wrote this we've started using <HaSta much> for "video"
in the Facebook localization, but I'm not going to change the way I
wrote it here.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol