tlhIngan-Hol Archive: Wed Jul 21 21:45:24 2004
[Date Prev][Date Next][Thread Prev][Thread Next]
luSpet'e'
- From: Dar'Qang <[email protected]>
- Subject: luSpet'e'
- Date: Wed, 21 Jul 2004 23:45:12 -0500
chu'law' luSpet nger 'e' maq tera'ngan Hap tej "Stephen Hawking". ngervam
maqpu'pa' latlh qech noy chup ghaH. DaH nger ngo' 'oHchoHlaw' latlh
qechvetlh'e'. nger ngo' qellu'DI' qay'bogh ngoD tu'lu': Hap De' Qaw'chu'
luSpet. 'a Hap Qaw'be' luSpet. meq QIjchu' nger ngo'. QIt HoS tlhuD luSpet.
Hap rapmo' HoS, tlhuDtaHvIS 'u'vaD Hoch Hap'e' tlhapbogh luSpet nobHa'
luSpet .'a qaStaHvIS mIwvam, De' Qaw'chu'lu'.
pIm De' Qaw'meH mIw luqelbogh Hap tej, De' Qaw'meH mIw luqelbogh nuv motlh
je. ghItlh 'angbogh nav meQlu'DI' De' Qaw'be'lu' 'e' luqel Hap tej. navvam
QawHa'laHmo' nger Dabbogh Dep, nav De' Qaw'be'lu. QawHa'meH poH lurgh motlh
pImmoHchu' nger Depvam. Hoch Hap chut watlh'e' De' Qaw'be'lu' 'e' luchup
Hap tej net Sov. 'a "Hawking" nger ngo''e' teHbe' qechvam. nav'e' Qaw'bogh
luSpet QawHa'laHbe' nger Dep. Hoch Hap chut watlh Sovlu'bogh qellu'DI',
"Hawking" nger ngo'mo' neH Hap De' Qaw'lu'chu'.
DaH "Hawking" nger chu''e' pImlaw' ghu'. lughchugh ngerDaj chu', De'
Qaw'be'lu' 'e' maq Hoch Hap chut watlh Sovlu'bogh. Hap tejmeyvaD potlhqu'
qechvam 'ej jIHvaD Daj qechvam.
Hap tej jIHbe'. vaj yajtaHghachwIj neH cha' ghItlhvam.
SKI: brief discusion about Hawking's new black hole idea.
Dar'Qang
qo''a'lIj DachenmoHtaH