tlhIngan-Hol Archive: Mon May 18 06:47:48 1998
[Date Prev][Date Next][Thread Prev][Thread Next]
Quj bej Holtej qorDu'
- From: "Holtej" <[email protected]>
- Subject: Quj bej Holtej qorDu'
- Date: Mon, 18 May 1998 09:45:23 -0400
- Importance: Normal
wa'Hu', *baseball* Quj wIbejmeH *Baltimore*Daq leng qorDu'wIj.
yaHwIjDaq wejHu' cha' 'ov vumwI'pu', 'ej jIQap. Quj wIbejmeH, cha' chaw'
munob pInwI'. mutlhejmeH puqloDwI', latlh chaw' wIje'nIS. wIje'meH wa'maH
wej DeQ wIDIl. qay'be'.
qaSDI' wa'maH wej rep tagh Quj. mapawmeH taghpa' Quj, qaSDI' DungluQ juHmaj
wImej. tujqu' jaj. 'eng tu'be'lu'mo' Huv chal; wovqu' Hov. Do' 'ay'
cha'DIchDaq wIba'mo', 'ay' wejDIch bIngDaq wIba'. numeQmoHbe'meH Hov, nuQan
'ay' wejDIch QIb. poS yotlh Sum 'ay'maj. Quj wIbejlaHchu'.
Quj vaSDaq megh wISop. HIq vItlhutlh jIH; 'awje' lutlhutlh be'nalwI',
puqloDwI' je. naHlet law' wISop je. juHmajDaq wIcheghDI', maghungbe'mo'
'uQ wISopbe'.
loQ Dal Quj. qaStaHvIS jav *inning*mey, QapchoH pagh. Quj vIbuSHa'choH.
pay' QapchoH ghol! juHDaq [1] qet cha' QujwI'! SIbI' jang juHqo' ghom [2],
juHDaq qet wej QujwI'. van Hoch bejwI'pu'.
qaStaHvIS *inning* chorghDIch, Hoch 'eb jonHa' juHqo' ghom. vagh moQ
chuHwI' [3] wInatlh. rInDI' *inning*vam, juHDaq qet vagh ghol QujwI'. not
juSqa' ghommaj.
nI'qu' Qujvam. matlheDpa' qaS vagh rep. Doy'qu' puqloDwI'! juHmajDaq
macheghmeH malengtaHvIS, Dum ghaH.
[1] juH, "home" in the sense of "home plate." I.e., they scored.
[2] juHqo' ghom, the home team
[3] moQ chuHwI', pitcher
SKI: Holtej won tickets to the ballgame, and took his family.
--Holtej