tlhIngan-Hol Archive: Tue May 12 17:46:16 1998
[Date Prev][Date Next][Thread Prev][Thread Next]
Deb (was: RE: KLBC: vulqan vISuchta')
- From: "Andeen, Eric" <[email protected]>
- Subject: Deb (was: RE: KLBC: vulqan vISuchta')
- Date: Tue, 12 May 1998 17:35:42 -0700
Deb tI luqel qeyyoH, Qov, ter'eS je:
(latlh jabbI'IDDaq Deb tI qel charghwI' je. parHa')
>>}juHwIjDaq jIcheghmo' jIbelqu'.
>>}
>>}tI chu' vIpoch vIneH 'ej mulqu' Deb tImey. HoSghaj. 'IH.
>>
>>vItI'nISbe'. Deb tI vImaS jIH. 'ojchoHDI' Heghbe'. not tIwIjvaD bIQ
>>vInob. reH vIlIj. Heghpu' Hoch latlhmey 'ach ratlh Deb tI 'ej chep.
>>
>tImey wIqeltaHvIS, nIbchu' qechlIj qechwIj je! Deb tI vImaSbej.
>wejmaHben 'op Deb tIwIj vIje'. tI jen law' jIH jen puS. qaStaHvIS
>*winter* naQ, tIvaD bIQ vInobbe'. qaSDI' *summer*, qaStaHvIS wa' jar
>chaq cha'logh bIQ vInob. not Hegh bIH. Dunqu' tImeyvam! 'ej tera' Deb
>tImey parHa'ba' tlhInganpu' 'e' vIHar. vay' lurIQmoH tImeyvam!
Deb vIDabmo' jIDo'bej. Dat Deb tI tu'lu'. vIje'meH ngeD Qu'. tISuy le'
vISuchnISbe'; naDev Deb tI Sar ngevqang Hoch tISuy. pIj SojSuyqachDaq
*cactus*Hommey vIje'laH. vutpa'wIjDaq Qorwagh retlhDaq *cactus*Hommey
puS lutu'lu'.
'IHbej Deb'e' vIDabbogh. DaH veng botlh wIDab jIH be'nalwI' je, 'ach
HuDDaq juH luDab SoSwI' vavwI' je. jInenchoHtaHvIS juHvam vIDab jIH je.
pa' Debna' tu'lu'. pIj juHchaj retlhDaq Ha'DIbaH mach lutu'lu', 'ej rut
Ha'DIbaH tIn lutu'lu' je. *snake*mey law' lutu'lu'. roD Qobbe', 'ach rut
SuQ. cha'logh HuD *goat*mey wItu'. wa'logh HuD vIghro''a' wItu'. pIj
tlhutlhmeH qoj SopmeH juH retlhDaq nej *racoon*mey, *fox*mey. HuDvo' juH
Som DungDaq (1) yItlaHmo' *coyote*mey, pa' reH reH. rut chuSmo'
*coyote*mey QongmeH Qatlh Qu'. rut choS chal teb *bat*mey.
tlheDtaHvIS juHHov, 'IHchoHchu' Deb. meQlaw' 'engmey. DoqchoH 'ej
wovchoH HuDmey Hop. jojDaq nguvbogh nagh beQ rur puH.
latlh Sep vISuchDI' pIj jIHvaD Hujlaw' Hatlh. law'qu' tI. SuDqu'. yIQ
muD. bIr. juHna'wIjDaq jIchegh vIneH.
(1) juH Som DungDaq - on the roof. Probably doesn't work...
pagh