tlhIngan-Hol Archive: Thu Jul 16 18:12:39 1998
[Date Prev][Date Next][Thread Prev][Thread Next]
qep'a'
- From: "Andeen, Eric" <[email protected]>
- Subject: qep'a'
- Date: Thu, 16 Jul 1998 18:08:07 -0700
choSmo' qep'a', jISey'qu'ba', 'ach loQ jIbItchoH je. meqna'
vIngu'laHbe'.
jIjatlhvIp'a'? ghobe' jay'! pupbe' QIchwIj 'e' vISov, 'ach vIyajlu' 'e'
vIpIH. qep'a'Daq vIDublaH. roD lugh pabwIj 'ej ghIrqu'pu' mu'tay'wIj.
jIjatlhlaHlaw'. jatlhDI' latlh, vIyajlaHlaw' je. vInuSlu'be'ba'.
nuvpu' vIghomvIpqa''a'? ghobe' jay'! naDev maja'chuq 'ej maghoH 'ej
maqon 'ej magher. maQum 'ej maSovchuqmoH. wa'ben jatlhwI' law' vIqIH.
javleS maghomqa'. vIqawlu' 'e' vISov, 'ej HochHom jeSwI'pu' vIghovbej.
jup DImojpu'.
vaj qatlh jIbIt? taghpa' may''a' bIt Hoch SuvwI'. qep'a' vIloSqu'taHvIS
jIbItlI', 'ach taghpu'DI' jIjeSchoHlaHchu' 'ej tIqwIj vI'anglaH 'ej
jIbIt 'e' vImev.
pItlh.
pagh