tlhIngan-Hol Archive: Mon Jul 20 10:45:27 1998
[Date Prev][Date Next][Thread Prev][Thread Next]
Re: qep'a'
On Thu, 16 Jul 1998 18:26:41 -0700 (PDT) "Andeen, Eric"
<[email protected]> wrote:
> choSmo' [sic] qep'a', jISey'qu'ba', 'ach loQ jIbItchoH je. meqna'
> vIngu'laHbe'.
meqHey vIngu'laH. ghu'lIj choH wanI'vam. bIbItchoHmoH ghu'lIj
choHbogh wanI''e'. motlhHa'be'.
> jIjatlhvIp'a'? ghobe' jay'!
ba'. bIjatlhlaHchu'.
> pupbe' QIchwIj 'e' vISov, 'ach vIyajlu' 'e'
> vIpIH. qep'a'Daq vIDublaH. roD lugh pabwIj 'ej ghIrqu'pu' mu'tay'wIj.
nuqjatlh? ghIr'a' mu'tay'lIj? jIyajbe'.
> jIjatlhlaHlaw'. jatlhDI' latlh, vIyajlaHlaw' je. vInuSlu'be'ba'.
SoH po' law' jIH po' puS. rejmorgh yIDaQo'!
> nuvpu' vIghomvIpqa''a'? ghobe' jay'! naDev maja'chuq 'ej maghoH 'ej
> maqon 'ej magher. maQum 'ej maSovchuqmoH.
mumISmoH <<maSovchuqmoH>>. The {-chuq} makes the base verb
reflexive, "We know each other", but the {-moH} makes it
transitive. Is the transitive applied to the reflexive, or is
the reflexive applied to the transitive? Do we cause each other
to know (something), or do we cause (someone) to know each other.
Which of the following is closer to your intended meaning:
maSovchuqmeH maQum.
maghojmeH maQum.
> wa'ben jatlhwI' law' vIqIH.
bIDojta' je.
> javleS maghomqa'. vIqawlu' 'e' vISov, 'ej HochHom jeSwI'pu' vIghovbej.
> jup DImojpu'.
HIja'. 'ej Qe' wIghoSDI' 'ej maSoppu'DI' *tip* vISIm vIneH,
De'wI'HomwIj vIchu'qa'be'. qatIch vIneHbe'. mI' lugh vISuqmeH
qatlhob neH.
> vaj qatlh jIbIt? taghpa' may''a' bIt Hoch SuvwI'. qep'a' vIloSqu'taHvIS
> jIbItlI', 'ach taghpu'DI' jIjeSchoHlaHchu' 'ej tIqwIj vI'anglaH 'ej
> jIbIt 'e' vImev.
bIQubchu'.
> pItlh.
>
> pagh
charghwI'