tlhIngan-Hol Archive: Fri Jan 30 08:54:31 1998
[Date Prev][Date Next][Thread Prev][Thread Next]
jatmey
tera' SuchmeH mIwghItlh
tera' qelbogh Qujpa' DIch tIv tlhIngan nuvvam, vIr 'aQ puqloD
tera' DISpoH cha'maHDIch qel pa'vam
tera'ngan tIgh ghoj vIr neH ghaH
roD Qujpa'Daq tera' vengmey tIn Such ghaH
pa' Dochmey Dun legh ghaH
qachmey jenqu' Qe'mey QaQ yavDujmey law' Sut 'IH je bIH
Say' tera' veng 'ej Hach
Dat vummeH qet Hoch ghot
nuH luqengbe' chaH
Qub vIr Qo'noS veng rurbe' tera' veng
Hach 'ach qetlh
nuqDaq 'oH DI'e'
wa'logh veng'a' yoS chepbe' Such vIr
DaH juHDaj vengDaj je qawchu' ghaH
QaQ yoSvam
DI law' ghaj
qejbogh 'ej vIDbogh ghotpu' qur ghaj
nuH luqeng Hoch ghotpu'
Huch nIHmeH wa' loD Qup latlh loD qaD ghaH 'e' tu' vIr
pu' mach 'uch loD wa'DIch
qaS rIntaH wanI'vam vaj yItqa' vIr
yav yIQDaq Qot loD qanqu' 'ej Qong
retlhDajDaq HIq bal chIm tu'lu'
Qub vIr HIq law' tlhutlhlaH tlhIngan 'ach tlhutlhlaHbe' pujwI'pu'vam
vItqa'
wa' juH mach 'etDaq Solchuq tera'ngan qorDu' ghotpu' 'e' bej vIr
loQ yev vIr 'ej 'Ij
jach jachqa' SolchuqtaH tIchchuq 'ach HoHbe' vay'
wanI'vam yajchu'be' vIr
Qub ghaH qorDu' quv buS tlhIngan buSbe''a' tera'nganpu'
yItqa'
HeHomDaq DI ngaSwI' tIn legh vIr
wa' DopDaq mu'tlhegh Huj DIjlu'
<<DI nqaSwI' neHDaq ghu tIlan>>
tera' SuchmeH mIwghItlhvam laD vIr
Qub ghaH taQ novpu' 'ej 'upqu'
SIbI' tlhIngan wo'Daq jIchegh vIIneHbej
vaj Qujpa'vo' mej ghaH
qonwI': peHruS