tlhIngan-Hol Archive: Fri Jan 30 08:52:38 1998
[Date Prev][Date Next][Thread Prev][Thread Next]
Re: jIloS.
- From: "William H. Martin" <[email protected]>
- Subject: Re: jIloS.
- Date: Fri, 30 Jan 1998 10:31:02 -0500 (EST)
- In-Reply-To: <[email protected]> from "Qermaq" at Jan 29, 98 07:10:46 pm
According to Qermaq:
>
> ghItlh DloraH charghwI' je:
>
> >> San yIvoq
> >> reH bIHarnIS
> >
> >muchovDI' San, jIramqu'law'. jIHar'a'? SaHbe' San.
> >
> >jISaH. SaHnIS pagh latlh.
>
> maj. juplI' wa'DIch SoH'e'. 'ach latlh juppu' tu'lu'. bIwuv'eghchugh
> nISamlaH. 'ach bIQuchmeH latlh bIwuvchugh SaHbe'.
vaj muD-QaQ juppu' neH vIghaj. jIQuchchugh mutlhej juppu'vam
'ej jI'IQchugh lojchu'. qay'be'.
qabbogh bang law' vIghajpu'. pagh bang vIghajpu' 'ej vIghajqa'.
wa' qech vIghojta'. pagh qaq law' qabbough bang qaq puS. {{:)>
nIvqu'ba' pagh.
> majQa', charghwI'. qoH SoHbe'. bIwuv'eghchugh Davuvlu'. Duvuv San. yIloS.
jIloStaHQo'. latlh Qu'mey vItoy'. muvuvchugh latlhpu' jIQuch,
'ach tlhoS jISaH neH. qechlIj vIlajchugh vaj muvuv 'e'
vIpoQchugh muvuvQo'. vaj jISaHbe'. vay' SaHlu'chugh Dach. vay'
SaHbe'lu'chugh, lunobqang latlhpu'. Huj, 'ach ghaytan qar.
> juppu' law' vIghoj.
qar'a'? not jup vIghojta'. jup ngoD puS vIghoj, 'ach not jup naQ
vIghoj. {{:)>
> 'ach muquv 'ej muvuv 'ej muparHa' vIneHchugh
> jIquv'eghnIS 'ej jIvuv'eghnIS 'ej jIparHa''eghnIS. 'e' vIDabe'chugh wa' jup
> vIbajbe'. rut Qatlh 'ach poQlu'. jIHvaD jInobbe'chugh jIghajbe'. pagh
> vInobchugh pagh vIghaj.
'ej pagh qaq law' qabbogh jup qaq puS...
> DaH parmaq vIghajbe'. leS law' chaq vIghaj. qatlh vISov? jISovbe'. 'ach
> teHnIS. teHbe'chugh mupujchoHmoHbe' tultaHghach.
rut tIqwIjDaq parmaq vIghaj, 'ach bang vIghajbe'. nIn SuqmeH
qa'wIj, parmaqvam pegh vIlo' 'ej jImI'. jImI'DI' mutlhej
bangwI'na' vIngaSbogh. mamI'chu'.
> vaj jIloS je. maloS Hoch maH. maloSmeH matay'. QaQ'a'?
jIloSQo'. jIvang. jIQuchmeH 'ebmey law' tu'lu'. DaH QaQ pagh
bang. ghu'wIj Dubqangchugh 'ej DublaHchugh be' vaj chaq qochpu'
DImoj, 'ach jIloSQo'. jIyInlI'. jIloSmeH yInwIj vInatlhnIS'a'?
ghobe'. reH parmaqna' vIlajrup 'ach not jIloSqa'qang.
> Qermaq
charghwI'