tlhIngan-Hol Archive: Thu Jan 29 18:48:18 1998
[Date Prev][Date Next][Thread Prev][Thread Next]
Re: jIloS.
- From: "Qermaq" <[email protected]>
- Subject: Re: jIloS.
- Date: Thu, 29 Jan 1998 21:50:08 -0500
ghItlh DloraH charghwI' je:
>> San yIvoq
>> reH bIHarnIS
>
>muchovDI' San, jIramqu'law'. jIHar'a'? SaHbe' San.
>
>jISaH. SaHnIS pagh latlh.
maj. juplI' wa'DIch SoH'e'. 'ach latlh juppu' tu'lu'. bIwuv'eghchugh
nISamlaH. 'ach bIQuchmeH latlh bIwuvchugh SaHbe'.
majQa', charghwI'. qoH SoHbe'. bIwuv'eghchugh Davuvlu'. Duvuv San. yIloS.
juppu' law' vIghoj. 'ach muquv 'ej muvuv 'ej muparHa' vIneHchugh
jIquv'eghnIS 'ej jIvuv'eghnIS 'ej jIparHa''eghnIS. 'e' vIDabe'chugh wa' jup
vIbajbe'. rut Qatlh 'ach poQlu'. jIHvaD jInobbe'chugh jIghajbe'. pagh
vInobchugh pagh vIghaj.
DaH parmaq vIghajbe'. leS law' chaq vIghaj. qatlh vISov? jISovbe'. 'ach
teHnIS. teHbe'chugh mupujchoHmoHbe' tultaHghach.
vaj jIloS je. maloS Hoch maH. maloSmeH matay'. QaQ'a'?
Qermaq