tlhIngan-Hol Archive: Thu Jan 15 14:31:34 1998
[Date Prev][Date Next][Thread Prev][Thread Next]
Re: yagh chenmoHlu'bogh
- From: "William H. Martin" <[email protected]>
- Subject: Re: yagh chenmoHlu'bogh
- Date: Thu, 15 Jan 1998 17:31:30 -0500 (EST)
- In-Reply-To: <[email protected]> from "SuSvaj" at Jan 15, 98 01:33:26 pm
According to SuSvaj:
>
> qaSDI' 08:38 AM 1/15/98 -0800, ghItlh charghwI':
>
> >Somraw 'oH tIq'e'. 'Iw poQ tIq. yInSIp poQ 'Iw. 'Iw yInSIp je
> >DuDmeH tagh poQ 'Iw. Say'nIS 'Iw. 'Iw Say' chej. chej tagh je
> >poQ tIq. chaq qaStaHvIS rep puS nIteb yInlaw' tIq 'ach tIq
> >chenmoHlu'taHvIS qaSnISba' jaj law'. 'ej chenpu'pa' tIq qatlh
> >tIq rarlaH yIntagh. tIq rarpa' yIntagh qatlh yInlaH tIq?
> >
> >> >yInchoH wa' *cell*. ghur. cha' *cell* chenmoHmeH, wav. nIb cha'
> >> >*cell*vam. ghur. wavqa'. tugh pImchoH *cell*mey chu'. tIqHom
> >> >ghaj ghuHom naQ. qaStaHvIS Hut jar ghu moj ghuHom. tIq ghaj
> >> >ghu. puq moj ghu. nuv nen moj puq. nuv ghaj tIq.
>
> qajanglaHbe'. Qel jIHbe'mo', ngoDHommeyvam vISovbe'. 'ach Qel SoH'a'?
Qel jIHbe' 'ach jISaHbe'. tIq vIyaj. chay' nenchoH tIq vIyaj.
motlh porghDaq nenchoH tIq. qaStaHvIS poH nI'be'qu' nIteb
yInlaH tIq. tIq nen chenmoHlu'taHvIS qaS DISmey. nenchoHtaHvIS
tIq chay' rar yIntagh? qay'qu'. chaq vatlhnem ghu'vam tI'laH
QeD, 'ach DaH *cloning* taghlaH QeD. vatlhnem jIHegh 'ej
jISaHbe'. DaH jISaH. DaH nuq ta'laH *cloning*? DaH *cloning*
wIqelnIS 'ej wIwuqnIS.
> nem law' DuHbe'bej mIwvam 'e' DaSovbej'a'? 'e' DajatlhlaHbebej,
> bIyuDHa'chugh. wa'logh, jIHvaD jatlhtaHvIS yIn QeD ghojmoHwI', vay' potlh
> jatlh ghaH. ["DuH vay'" 'e' jatlhDI' tej, motlh lugh, 'ach "DuHbe'" 'e'
> jatlh tej, motlh lughbe'].
Dojbe'. woDmeH *nuclear* nIn non QobHa'laH ghu' chuppu' tejpu'
'ach DuH'a'? wej DuH. DaH DuHnIS, 'ach wej DuH. woj choHwI'pu'
law' wIghaj 'ej nIn non wIvI'taH 'ach wej wIwoDlaH 'ej wej
wIpolchu'laH. tejpu' DIvoqqu'mo' qay'qu'. ghu' wIqelchu'ta'be'.
chaq DaH *cloning* wIqelchu'chugh *cloning* QaQ law' woj choHwI'pu'
QaQ puS.
> >> teHbej. ngoDmey vIQIj vIneHbogh, DaQIjchu'! *embryo* machqu'Daq nIb Hoch
> >> *cell*Du'. tInchoHtaHvIS *embryo*, pImchoH *cell*Du'. tIq moj 'op
> >> *cell*Du', tagh moj 'op, etc. chay' pImchoH *embryo cell*Du'? 'e'
> >> wISovbe'bej. ghaytan, *DNA*Daq chu'wI'mey tu'lu'. chu'wI'meyvam
> >> wIngu'laHchugh, vaj chaq wISeHlaH.
> >
> >chaq tIqDu' DIghajbogh SIghlaH chamvam 'ach not paghvo' porgh
> >Hutlhbogh tIq nen chenmoHlaH chamvam. porghDu'maj wISIghnIS.
> >porghDu'maj qa'meHDu' DIchennISbe'moH. HeghnIS nuvpu'.
> >
>
>
> >vaj 'ay'Du' DIchenmoHlaHpa' nuvpu' naQ DIchennISmoH 'ej
> >rejmorghpu' DIDabe'nIS 'e' DaHar'a'? potlhmeyna' DabuSHa'bej.
>
> pagh vIbuSHa'taH. ngoDmey Damuchta'bogh, vISovbej. 'ach nulIm chamvam 'e'
> wIchaw'nISbe'. chamvam wIqeltaHvIS majotnIS.
jIjot. jIlImbe'.
> >*Frankenstein* DalaDta''a'?
>
> HIja'! 'ej *Frankenstein* jIHlutmey law' ngo' vIleghta'. loD chenmoHDI'
> *Frankenstein* Qel, ghIjlu' nuvpu'. lImbej nuvpu'. mIghbe' chenmoHlu'bogh
> loD, 'ach maw'choH nuvpu'. ghaH yaj neHbe' chaH. nuvpu'vam wIDanISbe'.
> "*Cloneing* cham" DaQoy'DI', *monster* yIHoH! *monster* yIHoH! 'e'
> yIjachQo'.
paq QaQ law' jIHlutmey ngo' QaQ puS.
> >tugh nuv naQ neH chenmoHlaH chamvam. DaH nuvpu'qoq naQ
> >DIneH'a'? tIqDu' DIchenmoHpa' ghu'vam wIqelnISqu'.
>
> *Clone* wIchenmoHchugh, "nuvqoq" 'oHbe'. nuvna' ghaHbej. 'ej ghaH
> wIvuvnIS. jIQochbe', Qatlh ghu'vam, 'ej wIqelnISbej. 'ach wIjotnIS.
jIjot. tIq wIchenmoHmeH mIw wIqelpa' nuv chenmoHmeH mIw
motlhbe' wIqel vIneH. tIqmey Daqel. nuvpu' wIqel vIneH.
> >> >QeD Davoqqu'. yIDoghQo'!
> >>
> >> *X-Files* Dabej 'e' yImev. mIghbe' QeD, quvghajbej QeD. 'e' vIHarmo', yIn
> >> tIQ tej vImojmeH, vIHaDtaH. QeDmo' logh wInejlaH, mungmaj wIHaDlaH, Soj
> >> wIDublaH, 'ej Hergh nIv wIchenmoHlaH.
> >
> >*nuclear power* chenmoH QeD je. nuqDaq nIn non wIlannIS? woj
> >choHwI'mey wIchenmoHtaHvIS ghu'vam buSHa' QeD. tugh ghu'vam
> >wItI' 'e' Har QeD, 'ach wej ta'. DaH woj choHwI'mey law' wIghaj
> >'ej ghur nIn non 'ej qay'qu'. tarna' 'oH nInvam. ghaytan bong
> >bIQmaj tarvam je DIDuD 'ej Hegh nuvpu' law'.
>
> *Tool* 'oH QeD. mayepchugh, 'oH wIlo'DI', nuQaH. 'ach bIQDaq tar DuDbe'
> tejpu', 'e' ta'taH malja'mey tInqu'.
'ej nuvqoq chenmoHchugh tejpu' nuvqoqpu' chenmoHbej malja'mey
tInqu'. ghu'vam wIqawnIS.
> Huch neH SaH malja'mey. bIQ'a'Daq
> *radioactive* veQ, *oil byproducts* je lantaH chaH, 'ej SaHbe'. qutlhbej
> mIwvam, vaj 'e' Data'. Hat mIwvam, 'ach ramqu' bIj, vaj mevQo'
> malja'meyvam. vay' DapIchchugh, ngoy'wI' yIpIch! puch mojtaH yuQmaj.
> 'ach 'oH wISay'moHmeH tejpu' wIpoQqu'bej! ngoDvetlh DajunlaHbe'!
yuQ lammoH 'op tejpu'. yuQ Say'moH 'op tejpu'. yuQ lammoH 'op
malja'mey. yuQ Say'moH 'op malja'mey. ngoy' Hoch.
> >wIpIHnISbe' 'ach Hoch wIqelnISchu'. tejpu' vIpIchbe'. tIq
> >chenmoHlaHbe' tejpu' 'e' Sov tejpu'na'. tIq chenmoHlaH tejpu'
> >'e' naj *futurist*pu'.
>
> teHbe'bej. potlhqu' *Cloneing* cham 'e' maqta' tejpu' law'.
jIQochbe'. *sheep* Hutlh chenmoHmeH pov *cloning*.
> >tejpu' chaHbe' *futurist*pu'. *futurist*pu' vIpIchqang.
>
> *Futurist* DajatlhDI', SoHvaD nuq 'oS mu'vam. jIHvaD, "future" qelwI' 'oS.
> qabbe' yuDvam'e'.
nuqjatlh?
> tej SoHchugh, "Futurist" SoHnIS 'e' vIHar.
ghobe'. *futurist*vaD qech maw' qaq law' qech QaQ qaq puS.
*futurist*vaD Dumerchugh qech QaQ. DuH'a'? SaHbe'. merlu'nIS
neH.
> >jIQochchu'. chunchu' Hoch tejpu' 'e' DaHar'a'? mIghbe'ba'
> >HochHom tejpu' 'ach chunbe'ba' Hoch. SaHbe'bej neH 'op tejpu'.
>
> jIQochbe'. Human chaHbej tejpu'. 'ach quv ghajbej QeD Qu'. QeD, tejpu'
> je Da*demonize*taH.
choyajHa'pu'. not qaja' <<mIgh tejpu'>>. qaja' <<qechmeychaj
DIqelnIS>>. choja'law' <<reH tIvoq>>.
> >
> >I once talked to a scientist who said that we have no fuel
> >shortage problem because of the oil shale. Just drill into the
> >middle of a huge site of oil shale, drop a small nuclear
> >warhead into it, shatter the shale and drain off the oil.
> >
> >I pointed out that the oil would be radio-active and useless to
> >us for a few thousand years. He countered that this was not his
> >area of specialty and so it was not his problem.
>
> Well, as this is not his area of speciality, I wouldn't worry to much about
> his suggestions.
Apparently oil shale WAS his area of specialty. Making oil not
radioactive was not. I was pointing out how irresponsible
scientists can get as they focus their attention on their
narrow area of expertise. Some of them often don't think about
consequences so much as they think about employment and
reputation for creating something new.
> SuSvaj
charghwI'