tlhIngan-Hol Archive: Sun Jan 11 12:43:35 1998
[Date Prev][Date Next][Thread Prev][Thread Next]
tlhIngan vIDalaw'
- From: "David Trimboli" <[email protected]>
- Subject: tlhIngan vIDalaw'
- Date: Sun, 11 Jan 1998 15:41:36 -0500
Qatlhchugh QInvam, jItlhIj. vIghItlhtaHvIS jIQeHtaH.
*****
*videostore* pInHom jIH. Hoch ram ngIpwI' law'vaD *video* vInob. QaQchugh
malja' chaq vaghvatlh ngIpwI' vIQaH.
law'mo' ngIpwI'pu', ngu'meH navmey much 'e' wIpoQ. (chay' *card* jatlhlu'
tlhIngan Hol jatlhlu'taHvIS?) *videostore* *card* lIjchugh, *driver's
license* (DeghwI' chaw'?) qab ngu'bogh nav joq muchlaH. ngeD. vay' je'lu'
net pIHchugh, ngu'meH nav qemlu', qar'a'? chay' *drive*lu' *driver's
license* ghajbe'lu'chugh?
'ach Hoch jaj 'el ngu'meH nav qembe'pu'bogh ngIpwI' puS'e'. Smith jIHbej
lujatlh. vIghovbe'. qabmey vIqawchu'be' 'ej qab vIqawbe'chugh jIngoy'be'.
*video* vInoj, qabmey vIghovbe'.
wa'Hu' qaS wanI'vam motlh. qochwI'vaD jatlh ngIpwI': *Dunn* jIHbej. tlhob
qochwI': ngu'meH nav Daghaj'a'? qochwI'vaD *card* nob *Dunn*Hey. bangDaj
*card* 'oH! ngu'meH De'lIj 'oHbe' jatlh qochwI'.
jatlh *Dunn*Hey: qay'be', mughovbej ghaH'e'. jIHDaq tlhe'. jatlh:
choghovbej, qar'a'? jIjang: ghobe'.
jIjangbe': jIQoS, jItlhIj, ghobe', jIQoSqu'. jIjatlh neH: ghobe'.
jInaSbe'. ngoD neH vIjatlh.
jachchoH ngIpwI': qaStaHvIS DIS law' naDev jIngIp! reH naDev jIH! chay'
mughovbe'?
jaj tamey vI'ang. jIjatlh: ngIpwI' law'qu' vIQaH. Hoch vIqawbe'. Hoch
vIqawnISbe'. ngu'meH nav DamuchnIS neH. 'ach banglI' nav Damuch. navvam
lo'lu'chugh, ngIpnIS banglI'.
qachvo' mej *Dunn*Hey, jachtaHvIS.
qaS wa'maH tup. chegh loD naS. tlhej banglI'. jach loD: ghaH'e'
Daghov'a'?!? jIjang: HIja', ngu'meH navDaj vIleghpu'.
jachtaH loD: bInaSchu'! qaStaHvIS DIS law'qu' ja'chuqtaHvIS jIH je'wI'pu'
je, 'ej SoH naS law' Hoch naS puS!!!
jImIS. jIjang: chay'? mughel choghov'a'? jIjang ghobe'. chay' jInaS?
jang: *attitude*na' Daghaj!
jIjatlh: qay' *attitude*lIj'e' bIghel 'ej jIjang. qatlh qay' jay'?
****
roD tlhIngan vIrur. mughelchugh vay', jInap. mu'mey lo'laHbe' vIjatlhbe'.
quvchugh ngIpwI', vIvuv. jIQoS, jItlhIj, blah blah blah jIjatlhchugh
ngebwI' vIDa. vay' vIquvmoHmeH jInapnIS. tlhIngan tIghvam vIyaj.
(For beginners: This was a true story showing how I prefer the Klingon value
of straightforwardness, and how it gets me into trouble.)
SuStel
Stardate 98031.1