tlhIngan-Hol Archive: Sun Jan 11 14:53:04 1998
[Date Prev][Date Next][Thread Prev][Thread Next]
muD bIr vImuSqu'!!!!!!!!
wa'Hu' ram, juHwIjDaq, lopHom tu'lu'. tInbe' wanI'vam, SaH juppu' puS neH.
*pizza* wISop, 'ej *video* jIHlutmey wIbej. pawpa' mebpu'wI, vay' potlh
vItlhoj. 'ojchugh mebpu', chaHvaD pagh vIghaj! toH, DujwIj vItIj, 'ej Soj
Suyqach vIghoS. potlh DayajnIS. DaH, naDev bIrqu' muD, bortaS rurbej!
SuyqachDaq vIpawDI', DujwIj vI'elHa' 'ej qach vI'el. wa' 'awje' bal, wa'
*coke*na' bal je vIje', 'ej DujwIjDaq vIchegh. 'ach DeghwI' lojmIt
vIpoSmoH 'e' vInIDDI', vIHbe' lojmIt jay'! taDlaw' ngaQwI'! pagh
vIpoSmoHlaH. taDbej DeghwI' lojmIt, raQpo' lojmIt, tep ngaSwI' lojmIt je.
DaH jIQeHqu'choH! mu'qaDmey vIjach, lojmIt vIpup, 'ach Qap pagh. vaj qech
vIghaj. *lighter* vIje', 'ej ngaQHa'wI'wIj vItujmoH 'e' vInID. 'ach luj
qechvam. bIrqu'mo' muD, chenlaHbe' qul! toH ngaQHa'wI'wIj vIlo' 'e'
vInIDqa'. 'ach 'e' vIta'DI', jIvangHa'bej 'e' vItlhoj. ghor ngaQHa'wIj!
DaH pagh nuHmey tu'lu'. juHwIjDaq jIcheghmeH jIyItnISbej. toH, qaStaHvIS
loSmaHvagh tup jIyIt. jIghungqu', jIDoy'qu', 'ej jIbIrqu'bej. 'ach QeH
'oH nInwIj'e' vaj jIyIttaH. juHwIjDaq jIpawDI', jIpaSqu', 'ach Do' pa'
juppu'wI tu'lu'. chaHvaD wanI'meywIj Do'Ha' vIQIj, 'ej *pizza* wISop.
DaH Soj Suyqach vergh DaqDaq DujwIj tu'lu'. lojmItmeyDaj vIpoSmoHmeH,
wa'leS ngaQHa' chenmoHwI' vISIchnIS. muDvam vImuSqu'! vImuS, vImuS,
vImuS!!!!!!!!!!!
SuSvaj