tlhIngan-Hol Archive: Fri Dec 11 07:55:35 1998
[Date Prev][Date Next][Thread Prev][Thread Next]
Qu'wIj
- From: "William H. Martin" <[email protected]>
- Subject: Qu'wIj
- Date: Fri, 11 Dec 1998 10:55:29 -0500 (Eastern Standard Time)
- Priority: NORMAL
DaHjaj QInmey vIjangnIS. qay'lu'chugh mulab nuvpu' QuchHa'.
SengDaj vIngu' 'ej vItI' pagh chaHvaD tI'meH mIw vIDel. rut
jIHvaD QIn vIlabHa' 'ej latlh po'wI'vaD QIn vIlab, vaj QInvam
jangnIS po'wI'vetlh. po'wI' lugh vIwIvnIS.
qaStaHvIS loS rep wejmaH tup je Qu'vam vIta'nIS. chorghvatlh rep
vItagh. wa'maH cha'vatlh wejmaH rep jIHvaD mev QInmey. Hoch
vIjangbe'chugh QIn ghomvam vIjangnISlI'. pIj wa'maH wejvatlh rep
jIjanglI'.
'ach yaHvamDaq vIvumtaHvIS Hoch QInmey vIjangta'chugh QInmey
chu' vIloSnIS. jIloStaHvIS tlhIHvaD jIlablaH. toH! wa' QIn chu'
vIHev! tugh jIchegh...
jIchegh. loQ qay' chut ghojwI'pu'. pa' le'Daq De'wI'mey law'
DIlanta' 'ej DIleHtaH. pa' ghItlhwI' wIlan je. De'wI'meymaj
lo'chugh ghItlhwI'maj lulo'laH je. 'ach pa' De'wI'Hommeychaj
qenglu'bogh De'wI' DaHmaj rarlaH je. DaH De'wI'Homchaj
lo'taHvIS, ghItlhwI'maj lulo' luneH. qay'qu'.
ghItlhwI'maj lo'meH De'wI'Hommeychaj lISnISlu'. qay'. Qu'vam
wIlajQo'. De'wI'meymaj wIleHqangbejtaH 'ach De'wI'Hommeychaj
DIleHchoHQo'. mubollaH Qu'vam!
paw latlh QIn... QIn ngo' vISamnIS vaj QIn DalaDlI'bogh vIlabnIS.
pItlh!
charghwI' 'utlh