tlhIngan-Hol Archive: Tue Aug 13 14:49:26 1996
[Date Prev][Date Next][Thread Prev][Thread Next]
Re: TruCost yIlo'Qo'
- From: Will Martin <[email protected]>
- Subject: Re: TruCost yIlo'Qo'
- Date: Tue, 13 Aug 1996 17:49:15 -0400 ()
- Priority: NORMAL
bIjatlhchu'. Hoch vIyajbej. bIjatlhchu'mo' ngeD Qu'vam.
On Wed, 31 Jul 1996 13:09:03 -0700 "Mark E. Shoulson"
<[email protected]> wrote:
> toH, SaqeS: "TruCost" yIlo'Qo'.
reH ngoDvam vIqawtaH.
> "KLI.org"vaD "tape drive" wISuqnISqu'. Qapbe' wa' ghajpu'bogh "Jay"
> (pong "KLI.org" che'wI' 'oH "Jay"'e'). qaSpa' qep'a', Suy vItu' 'ej vIra':
> "jIHvaD Dochmeyvam tIngeH." "lu', DIghaj" mujang. vaj jIloS. 'ej
> jIloStaH.
buDba' Suyvam. pagh batlh ghajchu'.
> ..'ej wej paw luch! vaj wa'Hu' vIrI'. "qaS nuq jay'?" vIyu'.
> "hmm... chaq luchlIj wISuqlaHbe'...?" "'ach vItlhobDI', "wIghaj" boja'."
> "SoHvaD maQumqa'.." vaj jIloS. qaStaHvIS vagh rep, jav rep ghap jIloS.
> vIrI'qa': "qaS nuq jay'??" "aaaah... HIja'... luch tu'lu', 'ach
> wIngevbe'. 'oH ngevlu' 'e' bot "manufacturer."" (qatlh? jIyajbe'. 'ach
> ram). "'ej juja'laHbe'pu''a'?? toH, latlh tu'lu''a'? qutlh'a'?"
> "Hmm... latlh wItu'..." "toH, yap luchvetlh. jIHvaD yIngev."
> "jIngevlaHbe' jIH. ngevwI' jIHbe'. ngevwI'vaD De' vInob, 'ej tugh DurI'."
> "lu' jay'." vaj jIloS. 'ej murI'be' jay'.
not poHlIj lo'Ha' Suy QaQ.
> DaHjaj vIrI'qa'. "SuQongtaH'a'????" "yIloS, De' vISuqnIS... DaH vIghaj.
> Hmmm, luchvam wISuq 'e' vI'olnIS. qarI'qa'." "*sigh*"... murI': "HIja',
> wIghaj...." (toH, luch ghom wa'DIch luqonDI' Qagh je 'e' vItu'. wejpuH).
> vaj >DaH< jIHvaD luch ngeH. jIQeHbej. luch DIlmeH yap'a' "KLI" Huch?
> jISovbe'. jItul, 'a DIch vIghajbe'. SaqeS: "TruCost" yIlo'Qo'.
> www.trucost.com. peyep.
jIyepbej.
> ~mark
charghwI'