tlhIngan-Hol Archive: Thu Aug 01 16:04:37 1996
[Date Prev][Date Next][Thread Prev][Thread Next]
Re: *rIyval* lutmey
ghItlh "charghwI'":
[...]
> lutmeyvamDaq wa'logh nagh HochHom mu'mey vISovpu'be'bogh.
> toH! lutmeyDaj qontaHvIS *ghuy'Do wa'* mu'ghomDajDaq
> mu'mey chu' Samlaw' ghaH.
lutwIj vIrInmoHbe'bogh DapojtaHvIS, yISaghchu'. mu' vI'oghbe'pu', 'a
DIvI' Holvo' pImqu'mo' Hol vIlo'bogh, DIvI' qoch ghajnISbe' Hoch tlhIngan
mu'mey vIqonbogh, 'ej (tIq tujvo') qechwIj 'angmeH DIvI' Hol, tlhIngan
Holvo' Sachqu' ghItlh'e' mughlu'bogh. tlhIngan HolDaq 'oH yabwIj'e',
jIQubmeH Holvam vIlo'DI'. not jIHvaD jImugh, 'ej SoHvaD yImughQo' je.
yajbe'wI'vaD neH mughnIS vay'.
[...]
> QIt mIwvam vIDa, 'ach lut vItIv 'ej chaq mu'mey puS vIghoj.
> nom vIlaDlaHchugh lut vItIvqu'. DaH vItIv neH.
DolaHlIj yIchovqa', 'ej yIjeQtaH. Holvam loH vIjeSbe'choHmeH HeghHeywIj
vItu'law', choltaHvIS. Hol De' law', jupbatlh law' je vISuqmeH bong
jItagh, vaghben vIjeSchoHta'DI'. lutwIj Qav'e' ghaytan not vIrInmoH. loQ
'IQbej wanI', qep'a'vo' mamejDI', 'ej juHwIjDaq jIpawDI', "lojban" Hol
vIghojchoHchu'lI', jISaghtaHvIS. DaH jIHaDmeH lIw 'oH, 'ej tlhIngan Hol
boloHbogh vIlon 'e' HIpum -- SunajtaHvIS qeylIS boghomjaj.
> charghwI'
qaStaHvIS Hogh puS, SatlhejtaHmeH jIratlh. mutungHa'bogh mu'meyrajmo'
jItlho'. reH tlhIngan Hol vIqaw, 'ej jInmol vay' vIboQqang. mutlhejmeH
bomtaHvIS QoQraj 'IHDaq lengtaH qa'wI', qo'mey Sar wItu'taHvIS maH 'ej
yInna' ngongtaHvIS QupwI' jIHbogh.
ghuy'Do wa'