tlhIngan-Hol Archive: Fri Aug 02 06:55:07 1996
[Date Prev][Date Next][Thread Prev][Thread Next]
Re: *rIyval* lutmey
- From: Will Martin <[email protected]>
- Subject: Re: *rIyval* lutmey
- Date: Fri, 2 Aug 1996 09:54:36 -0400 ()
- Priority: NORMAL
On Thu, 1 Aug 1996 16:07:38 -0700 guido.n1 wrote:
> ghItlh "charghwI'":
>
> [...]
> > lutmeyvamDaq wa'logh nagh HochHom mu'mey vISovpu'be'bogh.
> > toH! lutmeyDaj qontaHvIS *ghuy'Do wa'* mu'ghomDajDaq
> > mu'mey chu' Samlaw' ghaH.
>
> lutwIj vIrInmoHbe'bogh DapojtaHvIS, yISaghchu'. mu' vI'oghbe'pu', 'a
> DIvI' Holvo' pImqu'mo' Hol vIlo'bogh, DIvI' qoch ghajnISbe' Hoch tlhIngan
> mu'mey vIqonbogh, 'ej (tIq tujvo') qechwIj 'angmeH DIvI' Hol, tlhIngan
> Holvo' Sachqu' ghItlh'e' mughlu'bogh.
jIQochbe'chu'.
> tlhIngan HolDaq 'oH yabwIj'e',
> jIQubmeH Holvam vIlo'DI'. not jIHvaD jImugh, 'ej SoHvaD yImughQo' je.
> yajbe'wI'vaD neH mughnIS vay'.
jIHvaD qar je ghu'vam, 'ach yabwIjDaq mu'mey puSlaw' law',
yablIjDaq mu'mey puSlaw' puS. {{:)> mu'tlhegh
vIyaj vIneHchugh, 'ej mu'tlheghDaq mu'mey vIghovbe'chugh
vaj mu'tlheghvetlh vImughnIS. pIj mu'mey motlhbe' Dalo'.
mu'mey vIlaDbogh vIghoj, 'ach mu'mey Dalo'bogh lo'be'
latlhpu' vaj pIjHa' mu'meyvetlh vIlaD. Qu'vamvaD choQaHbe'
wa'logh mu' Dalo'DI' neH. potlhchoHbe' wa'logh mu'mey law'
lo'lu'bogh. mu'mey ram vIghovbe'.
> [...]
> > QIt mIwvam vIDa, 'ach lut vItIv 'ej chaq mu'mey puS vIghoj.
> > nom vIlaDlaHchugh lut vItIvqu'. DaH vItIv neH.
>
> DolaHlIj yIchovqa', 'ej yIjeQtaH. Holvam loH vIjeSbe'choHmeH HeghHeywIj
> vItu'law', choltaHvIS. Hol De' law', jupbatlh law' je vISuqmeH bong
> jItagh, vaghben vIjeSchoHta'DI'. lutwIj Qav'e' ghaytan not vIrInmoH.
Qatlh DarInmoHbe'? batlh DaneH'a'? Qu' Dataghbogh
DarInnISmoH! batlh *Hamlet* DarInmoH. *rIyval* DarInnISmoH
je!
SoHvaD *rIyval* rInmoH latlh DaneH'a'? chaq yablIj Dalo'pu'
'ej laHlIj DaQopmoHpu'? lutvam DarInmoHmeH qaqaD.
> loQ
> 'IQbej wanI', qep'a'vo' mamejDI', 'ej juHwIjDaq jIpawDI', "lojban" Hol
> vIghojchoHchu'lI', jISaghtaHvIS.
reH taHjaj qep'a'mey! wa'nem bIcheghnIS.
> DaH jIHaDmeH lIw 'oH, 'ej tlhIngan Hol
> boloHbogh vIlon 'e' HIpum -- SunajtaHvIS qeylIS boghomjaj.
<lIw>? nuqjatlh? mu'vetlh vIghovbe'. julon 'e' qapumQo'.
pIj numej 'ach reH bIcheghqa'. tlhIngan Hol Dalo'taHvIS
bIpo'qu' 'e' wISaH. SaH'a' lathpu'? SaH 'Iv? maH neH.
pIvuv 'e' DatIv, qar'a'?
> > charghwI'
>
> qaStaHvIS Hogh puS, SatlhejtaHmeH jIratlh. mutungHa'bogh mu'meyrajmo'
> jItlho'. reH tlhIngan Hol vIqaw, 'ej jInmol vay' vIboQqang. mutlhejmeH
> bomtaHvIS QoQraj 'IHDaq lengtaH qa'wI', qo'mey Sar wItu'taHvIS maH 'ej
> yInna' ngongtaHvIS QupwI' jIHbogh.
HIjve'lIjDaq 'Iwghargh Datu'jaj!
> ghuy'Do wa'
charghwI'