tlhIngan-Hol Archive: Tue Jun 18 10:59:41 2013

Back to archive top level

To this year's listing



[Date Prev][Date Next][Thread Prev][Thread Next]

Re: [Tlhingan-hol] "Klingons Choose ARKYD"

Felix Malmenbeck ([email protected])



You can see an earlier version of the translation in romanized Klingon here: http://dotsub.com/view/f076a2ae-6179-419e-ae92-e53c56cbb89e (select "Klingon" from the subtitle menu)

Here is the newer version, line by line:

Chris Lewicki jIH. Planetary Resources DevwI''a' jonpIn je jIH.

ghopDap DItlhIl 'e' wInab 'ej latlh qech Dun wI'oghta' je.

logh naw'laH Hoch 'e' DuHmoH qechvam.

ngeHbej qo'maj je pojmeH 'ej SIghmeH mIwmeymaj choHqu'laH je qechvam.

yIlegh! logh Hop nuDmeH SIbDoH wa'DIch'e' luDIlbogh nuvpu' law'qu' 'oH 'ej DaSeHlaH SoH'e'!

qaStaHvIS wa'maH vagh DIS, Hoch Mars ghor nejwI''e' ngeHta'bogh SepjIjQa' chenmoHta' jonwI' ghommaj. 

loghDaq Doch DIlanlaHba'.

yuQ nov ghor nejwI''e' vISeHta'. Dunqu' Qu'vam 'ej qubqu'.

Qu'vam luSIQlaH nuvpu' law'qu' vIneH 'ej luSIQ 'e' DuHmoH ARKYD.

nItebHa' Qoblaw'bogh ghopDapmey DItu'laH

'ej qIbmey Hop DInuDlaH

'ej Hovtay'maj wInuDlaH.

loghDaq Du'oSbogh mIllogh DangeHlaH

DuleghlaH 'u' Hoch ngan DaneHchugh.

ghopDapmey ngu'meH 'ej tlhIlmeH Qu'maj wIQapmeH

SIbDoHvam Hoch 'ay' wImachmoHta' 'ej wIDubta'.

vaj Qu'vamvaD nIv.

loQ tIn ARKYD 'otlh boSwI''a'. 

vIHlaH jul 'echletmeyDaj. 

HablI' le'qu' ghaj. 

jIH ghaj. 

bavtaHvIS ARKYD, Sermaj 'agh mIllogh qonwI' mach.

reH DuHmey veH luqelqu' Humanpu'. ghu'vam 'oSchu' ARKYD wa'vatlh 'e' vIQub.

qolqoSmaj 'oH. Dochmey Dun wanI'mey Dun je DItu'nISqu'!

ARKYD wa'vatlh jInmol yIboQ!

cha'maH vagh 'amerI'qa' DeQmey Danobchugh, loghDaq SIbDoHDaq mIlloghlIj wIcha'

'ej mIlloghvam tera' je cha'bogh mIllogh'e' wIqon 'ej SoHvaD wIngeH.

yIlegh! ghu'vam DaDIlmeH yap cha'maH vagh DeQmey.

Qu'maj Dun qolqoS lu'aghchu' ta'meyvam.

logh, tera' ghor je rar jInmolvam. yabmeymaj Hapmaj je SIgh.

ghor nganpu' maH 'ach nItebHa' loghDaq vay' wIchavlaH.

weQmoQnaQvaD QumwI'vaD je pat wIghun.

vaj mIlloghmey DalablaH 'ej DalI'laH

'ej SIbDoH Ser bopbogh De' chu''e' Danaw'laH

'ej tlheDmeH tlhaq DaleghlaH.

QeD Datoy'meH SIbDoH Dalo'laH.

maS, latlh yuQ, logh Hop ghap 'oSbogh mIllogh'e' DaqonlaH je.

QeDvaD DuSaQvaD yabmeyvaD je law'qu' 'ebmey.

vaj roghvaHvaD ghu'vam wIDuHmoH wIneH.

nuv QupvaD jIjatlhlaH, Mars 'oSbogh mIllogh'e' DaqonmeH DaH loghDaq 'oHtaHbogh SIbDoH'e' Dalo' DaneH'a'?

vay''e' tu'pu'bogh pagh Datu' 'e' DanID DaneH'a'?

vaj vay' vIpIlmoHlaH. DajchoH vay''e' ta'laHbogh ghaH.

Dajbe' latlhpu' ta'mey neH.

potlhbe' Sov qaD Qapla' neH.

lengmeH 'ej tu'meH bov veb puqpu' pIlmoH 'ej nongmoH ARKYD.

Laura Danly, Griffith Observatory pIn jIH.

Paul Hoffman, Liberty Science Center DevwI''a' jIH.

Nicole Small jIH. Dallas Perot Museum vIDev.

David Mosena jIH. Chicago Museum of Science and Industry vIDev,

'ej SuchwI'pu'ma'vaD

maSeybej!

maSeyqu'!

tera' bavtaHbogh logh Hop nuDmeH SIbDoH'e' naw'laH Hoch tera'ngan wIneHqu'!

logh nuDmeH SIbDoH'e' naw'laHbogh Hoch tera'ngan ... Dunqu' ngoQvam!

logh lunaw'laH Humanpu' 'ej HochvaD 'e' 'agh jInmolvam. 'e' vIparHa'qu'.

SIbDoHvam lulo'laH naDev 'e' luloStaH ghojwI'pu' Seyqu'.

Dun mIllogh cha'meH 'eb

'ej tera' naQ ghojwI'pu' pIlmoH 'e' vIHarqu'bej.

loghDaq mu'oSbogh mIllogh cha'lu' vIneHqu'!

chong! vay'vaD jIjatlh, loghDaq 'oHtaH wa' mIlloghwIj'e'! loghDaq Du'oSbogh mIllogh tu'lu''a'?

jIghal! puq jIHtaHvIS loghDaq mIlloghwIj vIlanlaHbe'!

ARKYD SIbDoH Kickstarter jInmol vIboQlaHmo' jISey.

nuqatbogh ngeHbej lunuD rewbe' motlh 'e' DuHmoH.

Qapchugh ARKYD wa'vatlh SIbDoH jInmol,

bavtaHvIS DaSeHlaH SoH'e'.

toH! yIqel! QeD yItlhuHchoH!

toH! ghopDap tlhIlmeH Qu' 'oH Qu''a'maj'e'

'ach bov chu' nuvpu' SeymoHmeH logh 'ebmeyDaj je DIpIlmoH je wIneH.

Ser law' wIchavta' 'ach Qu' naQ wIchavmeH juboQ 'e' wIpoQ.

bInob 'e' yI'Ip 'ej Dunbogh bov veb wI'oghtaHvIS ghomuv!

________________________________________
From: De'vID [[email protected]]
Sent: Tuesday, June 18, 2013 17:54
To: tlhIngan-Hol
Subject: Re: [Tlhingan-hol] "Klingons Choose ARKYD"

loghaD:
> Translation and voice-over is mostly mine, with some assistance from qurgh.

majQa'! I thought I recognised the voice, but I hadn't heard you speak
such a large volume of Klingon before... and at such an impressive
speed! :-)

loghaD:
> So, give or take the odd brain freeze, the Hol should be serviceable; will send a full transcript next time I'm at a computer.

maj. It would be interesting to compare with naHQun's transcript and
see what was changed, if anything.

--
De'vID

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol

_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol



Back to archive top level