tlhIngan-Hol Archive: Tue Sep 27 05:59:46 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wejmaH jav
Recap: The crew has just observed the display of ghutar's lifesigns
move from inside to outside the ship.
36
nom Qum HoD. "ne'! Dotlh!" jatlh. jangbe' ghutar 'ej HaSta
lubejtaHvIS lojchoH yInroHDaj.
yaS wa'DIchvaD tlhe' HoD. "lojmItHomvetlh veghlaH'a' nuv'e'?" jatlh.
"mach. chaq veghlaH loD, 'ach veghlaHbe' logh Sut tuQtaHbogh loD."
wab mogh lIng HoD ghogh. HoD bejchoHmeH chuyDaH buSbe'choH
DeghwI'. 'ach ghaHvaD jatlhbe'law' 'e' tu'DI' HaSta bejchoH.
QumwI' lo'qa' HoD. jatlh "Hung yaS ghutar!" tamtaH Se'.
"HoD," jatlh DeghwI'. "chImlaw' mIch loS. mevpu' Hung yaS yInroH.
Heghlaw'pu'." jotqu' DeghwI'. tlhoy jot. DeghwI' nach qIpqu'meH jop
HoD, 'ach jaS vangmo' tlham Soy' HoD. way' DeghwI' 'ej SeHlaw neH
qIp. jach 'ej SeHlaw qIpqa', HoD qab moghqu' bej DeghwI' 'ej nISbe'.
"logh yIHotlh," ra' HoD. "wISammeH Duj yIDIngmoH."
yev Hota'ro', SeHlaw DungDaq HuStaHvIS nItlhDu'Daj. poS nujDaj 'ach jatlhbe'.
"yIruch," jatlh HoD. "ghaytan QapHa'mo' nochvetlh wItu'be' neH."
ghopDu' po'Dajmo' tlhe'choH Duj. QIt DerchoHmo', yev DeghwI' pay' 'e'
yaj HoD. tlham HutlhtaHvIS Duj, tlhe'choHDI' bIQamtaH DaneHbe'.
ravHeyDaq ba'choH HoD.
"QaHbe'law' tlham Dotlh. wIchu'qa'laH," jatlh yaS wa'DIch."
"yIruch," jatlh HoD.
ronchoH je Duj. baS meyrI' lulegh. lojmItHom 'oHlaw'. chuch SuD
lulegh. puch bIQHey 'oH. bIQHey leghpu'DI' HoD, SIbI' jatlh "bIQ pat
yIchu'Ha'." DI lulegh. DIngtaH Duj 'ach loD luleghbe'taH. loD tu'be'taH noch.
"reH Hegh yoHwI'pu''e'," jatlh yaS wa'DIch. ghutarvaD Heghtay lop wej
tlhIngan. beybe'choHDI' jatlh pagh.
---
SKI: ghutar's lifesigns fade from the screen and further attempts to
locate him fail.
----
Previous episodes, with corrections, all at http://nuqbopbom.blogspot.com
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol